റോഡ് അറ്റകുറ്റപ്പണി; അബൂദബി ശൈയ്ഖ് സായിദ് ബിൻ സുൽത്താൻ സ്ട്രീറ്റ് ഭാഗികമായി അടച്ചിട്ടു
റോഡ് അറ്റകുറ്റപ്പണികൾക്കായി ശൈയ്ഖ് സായിദ് ബിൻ സുൽത്താൻ സ്ട്രീറ്റ് ഭാഗികമായി അടച്ചിട്ടു. ഡിസംബർ 22 തിങ്കളാഴ്ച വരെയാണ് നിയന്ത്രണം. ഗതാഗതക്കുരുക്ക് ഒഴിവാക്കാൻ യാത്രക്കാർ ബദൽ റൂട്ടുകൾ ഉപയോഗിക്കണമെന്ന് അധികൃതർ നിർദേശിച്ചു. അതേസമയം ഇന്ന് രാവിലെ ഷാർജ-ദുബൈ റൂട്ടുകളിൽ വലിയ ഗതാഗതക്കുരുക്കാണ് അനുഭവപ്പെട്ടത്. യാത്രക്കാർക്ക് ഈ റൂട്ടുകളിൽ വലിയ കാലതാമസം നേരിട്ടു.