പാലക്കാട് ജനവാസ മേഖലയിൽ എത്തിയ പി ടി ഫൈവ് കാട്ടാനയെ പ്രാഥമിക ചികിത്സ നൽകി സുരക്ഷിതമായി വനത്തിനുള്ളിലേക്ക് തുരത്തി. പ്രാഥമിക ചികിത്സ ആണ് നൽകിയത് എന്ന് ഡോക്ർ അരുൺ സക്കറിയ അറിയിച്ചു. ഒരു കണ്ണിന് പൂർണമായും കാഴ്ച നഷ്ടപ്പെട്ടിട്ടുണ്ട്. റേഡിയോ കോളർ ധരിപ്പിച്ചാണ് കാട്ടിലേക്ക് മടക്കി അയച്ചത്. 20 ദിവസം നിരീക്ഷണം തുടരും.

ഇന്ന് രാവിലെ എട്ട് മണിയോടെ തുടങ്ങിയ പരിശോധന ഉച്ചയ്ക്ക് ഒരുമണിയോടെയാണ് അവസാനിച്ചത്. 12 മണിയോടെ ആനയെ പൂർവസ്ഥിതിയിലാക്കാൻ സാധിച്ചിട്ടുണ്ട്. ആനയുടെ രണ്ട് കണ്ണിനും മരുന്ന് വച്ചിട്ടുണ്ട്. ഇതിന്റെ ദൃശ്യങ്ങൾ വനം വകുപ്പ് പുറത്തുവിട്ടു. ആഴത്തിലുള്ള പരുക്കുകളോ മറ്റ് മുറിവുകളോ ശരീരത്തിൽ ഇല്ല എന്നാണ് ലഭിക്കുന്ന വിവരം