സുപ്രഭാതം പത്രത്തില് വന്ന എല്ഡിഎഫ് പരസ്യത്തില് പങ്കില്ല; സമസ്ത
സുപ്രഭാതം പത്രത്തില് വന്ന എല്ഡിഎഫ് പരസ്യത്തില് പങ്കില്ലെന്ന് സമസ്ത. ഏതെങ്കിലും പാര്ട്ടിയെ വോട്ട് ചെയ്ത് വിജയിപ്പിക്കണമെന്ന് സമസ്ത ആവശ്യപ്പെടാറില്ലെന്നും പുറത്തിറക്കിയ വാര്ത്താക്കുറിപ്പില് പറയുന്നു. പാലക്കാട് എഡിഷനില് വന്ന പരസ്യത്തിലെ വിഷയങ്ങളുമായി ബന്ധമില്ലെന്നും സമസ്ത അധ്യക്ഷന് ജിഫ്രി മുത്തുക്കോയ തങ്ങള് അറിയിച്ചു.
ഏതെങ്കിലും മുന്നണിയെയോ പാര്ട്ടിയെയോ വോട്ട് ചെയ്ത് വിജയിപ്പിക്കണമെന്ന് അഭ്യര്ത്ഥിക്കുന്ന പാരമ്പര്യം സമസ്തക്കില്ലെന്നും പാലക്കാട് നിയോജക മണ്ഡലം ഉപതിരഞ്ഞെടുപ്പുമായി ബന്ധപ്പെട്ട് ഇന്നത്തെ സുപ്രഭാതം പത്രം പാലക്കാട് എഡിഷനില് വന്ന പരസ്യത്തിലെ വിഷയങ്ങളുമായി സമസ്തയ്ക്ക് ബന്ധമില്ലെന്നും സമസ്ത കേരള ജംഇയത്തുല് ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, ജനറല് സെക്രട്ടറി ഐ കെ ആലിക്കട്ടി മുസ്ലിയാര്, ട്രഷറര് പി പി ഉമ്മര് മുസ്ലിയാര് കൊയ്യോട്, സെക്രട്ടറി എം ടി അബ്ദുള്ള മുസ്ലിയാര് എന്നിവര് സംയുക്ത പ്രസ്താവായില് പറഞ്ഞു', വാര്ത്താക്കുറിപ്പില് പറയുന്നു.