‘പാവയ്ക്ക ചായ’; മുഖം ചുളിക്കേണ്ട, ഗുണങ്ങൾ ഏറെ: പരീക്ഷിക്കാം

  1. Home
  2. Lifestyle

‘പാവയ്ക്ക ചായ’; മുഖം ചുളിക്കേണ്ട, ഗുണങ്ങൾ ഏറെ: പരീക്ഷിക്കാം

Bitter-Gourd-Tea


പാവയ്ക്ക ചായ എന്ന് കേട്ടിട്ടുണ്ടോ? ഇല്ലെങ്കിൽ പാവയ്ക്ക കൊണ്ടൊരു ചായ ഉണ്ട്. ആരോഗ്യത്തിന് വളരെ ഗുണം ചെയ്യുന്ന ഒന്നാണ്. ഗോഹ്യാ ചായ എന്നും പാവയ്ക്ക ചായയെ വിളിക്കാറുണ്ട്.

രക്തത്തിലെ പഞ്ചസാരയെ നിയന്ത്രിക്കാൻ പാവയ്ക്ക ചായ ഏറെ ഗുണകരമാണ്. അതുകൊണ്ട് തന്നെ പാവയ്ക്ക ചായ പ്രമേഹരോ​ഗികൾക്ക് മികച്ചതാണ്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും പ്രമേഹം ക്രമീകരിക്കുന്നതിനും നല്ലതാണ്.

കൊളസ്ട്രോൾ കുറയ്ക്കാൻ പാവയ്ക്കയ്ക്ക് സാധിക്കും.പാവയ്ക്കയുടെ ആന്റി-ഇൻഫ്ലമേറ്ററി ഗുണങ്ങൾ രക്തത്തിലെ ചീത്ത കോളസ്ട്രോളിന്റെ അളവു കുറയ്ക്കാനും ​ഹൃദയാരോ​ഗ്യം മെച്ചപ്പെടുത്താനും സഹായിക്കുന്നു. കരളിനെ ശുദ്ധീകരിക്കാൻ പാവയ്ക്ക ചായയ്ക്ക് കഴിയും.

കരളിലെ വിഷാംശം ഇല്ലാതാക്കാനും കുടലുകളെ ശുദ്ധീകരിക്കാനും സഹായിക്കും. ഇത് ദഹന പ്രശ്നങ്ങളെ അകറ്റി നിർത്തുകയും ചെയ്യുന്നു.രോഗപ്രതിരോധ ശേഷി വർധിപ്പിക്കാനും പാവയ്ക്കയ്ക്ക് കഴിയും. പാവയ്ക്കയിൽ വിറ്റാമിൻ സിയുടെ സാന്നിധ്യം അണുബാധകളെ ചെറുക്കാനും രോഗപ്രതിരോധ ശേഷി വർധിപ്പിക്കാനും സഹായിക്കുന്നു.

പാവയ്ക്ക ചായ എങ്ങനെ ഉണ്ടാക്കാമെന്ന് നോക്കാം:

ഒരു പാത്രത്തിൽ അല്‍പം വെള്ളം തിളപ്പിച്ച് അതിലേക്ക് പാവയ്ക്ക കഷ്ണങ്ങള്‍ ഇട്ട് ഇടത്തരം ചൂടില്‍ 10 മിനിറ്റ് തിളപ്പിക്കുക. അല്‍പ നേരം വെള്ളം മാറ്റി വെച്ച ശേഷം ഇതില്‍ തേന്‍ ചേര്‍ത്ത് കുടിക്കാവുന്നതാണ്. (പാവയ്ക്കയ്ക്ക് പകരം പാവയ്ക്കയുടെ ഇല ഉണങ്ങിയതും ഉപയോഗിക്കാവുന്നതാണ്).