'അക്രമി' സമുദായത്തിന്റെ അഭിമാനം; സുഖ്‌ബീർ സിങ് ബദലിന് വധിക്കാൻ ശ്രമിച്ച അക്രമിയെ പുകഴ്ത്തി കേന്ദ്രമന്ത്രി രവ്‌നീത് സിങ് ബിട്ടു

  1. Home
  2. National

'അക്രമി' സമുദായത്തിന്റെ അഭിമാനം; സുഖ്‌ബീർ സിങ് ബദലിന് വധിക്കാൻ ശ്രമിച്ച അക്രമിയെ പുകഴ്ത്തി കേന്ദ്രമന്ത്രി രവ്‌നീത് സിങ് ബിട്ടു

RANVEER SING


 

പഞ്ചാബ് മുൻ ഉപമുഖ്യമന്ത്രി സുഖ്‌ബീർ സിങ് ബദലിന് വധിക്കാൻ ശ്രമിച്ച അക്രമിയെ പുകഴ്ത്തി കേന്ദ്രമന്ത്രിയും ബിജെപി നേതാവുമായ രവ്‌നീത് സിങ് ബിട്ടു. അക്രമിയെ 'സമുദായത്തിന്റെ അഭിമാനമെന്ന്' പറഞ്ഞാണ് കേന്ദ്രമന്ത്രി പുകഴ്ത്തിയത്.

ഡിസംബർ നാലിനാണ് സുഖ്‌ബീർ സിങ് ബദലിന് നേരെ വധശ്രമമുണ്ടായത്. പഞ്ചാബിലെ സുവർണക്ഷേത്രത്തിന് മുൻപിൽ മതശിക്ഷ അനുശാസിച്ച് പോരുകയായിരുന്നു ബാദൽ. ഇതിനിടെ ക്ഷേത്രത്തിന്റെ പ്രധാന വാതിലിനടുത്ത് നിന്ന് ദൽ ഖൽസ പ്രവർത്തകനായ നരേൻ സിംഗ് ചൗധരി വെടിയുതിർക്കുകയായിരുന്നു. ഉടൻ തന്നെ അവിടെയുണ്ടായിരുന്നവർ പ്രതിയെ കീഴ്‌പ്പെടുത്തിയിരുന്നു.

നരേൻ സിങിനെ സിഖ് സമുദായത്തിന്റെ അഭിമാനമെന്ന് വിശേഷിപ്പിച്ച ബിട്ടു അകാലി ദളിനോടും ശിരോമണി ഗുരുദ്വാര പർബന്ധക് കമ്മിറ്റിയോടും ഇയാൾക്ക് വേണ്ട എല്ലാ സൗകര്യങ്ങളും ചെയ്തുകൊടുക്കാനും പറഞ്ഞു. വ്യക്തിവിരോധമല്ല, മതനിയമങ്ങളെ ഹനിച്ചതാണ് ബാദലിനെ ആക്രമിക്കാൻ നരേൻ സിങിനെ പ്രേരിപ്പിച്ചത്. സിഖ് സമുദായത്തിന് വേണ്ടിചെയ്ത കാര്യങ്ങൾ കണക്കിലെടുത്ത്, ഇയാൾക്ക് വേണ്ട നിയമസഹായങ്ങൾ എല്ലാം നൽകണമെന്നും, കൃത്യമായി ഭക്ഷണവും വസ്ത്രങ്ങളും മറ്റും നൽകണമെന്നും ബിട്ടു പറഞ്ഞു.