എന്‍ഐഎ ഉദ്യോഗസ്ഥരുടെയും ഓഫീസുകളുടെയും സുരക്ഷ വര്‍ധിപ്പിക്കാന്‍ നിര്‍ദ്ദേശം; അമിത് ഷാ ഉന്നതതല യോഗം ചേര്‍ന്നു

  1. Home
  2. Trending

എന്‍ഐഎ ഉദ്യോഗസ്ഥരുടെയും ഓഫീസുകളുടെയും സുരക്ഷ വര്‍ധിപ്പിക്കാന്‍ നിര്‍ദ്ദേശം; അമിത് ഷാ ഉന്നതതല യോഗം ചേര്‍ന്നു

amith sha


ദേശീയ അന്വേഷണ ഏജന്‍സി രാജ്യത്തെ പല സംസ്ഥാനങ്ങളിലും പോപ്പുലര്‍ ഫ്രണ്ട് ഓഫ് ഇന്ത്യയുടെ സ്ഥാപനങ്ങളില്‍ റെയ്ഡ് നടത്തുന്നുണ്ട്. ഇതുമായി ബന്ധപ്പെട്ട് കേന്ദ്ര ആഭ്യന്തര മന്ത്രി അമിത് ഷാ വ്യാഴാഴ്ച ഉന്നതതല യോഗം ചേര്‍ന്ന് മുഴുവന്‍ കാര്യങ്ങളും ചോദിച്ചറിഞ്ഞു. അന്വേഷണ ഏജന്‍സികളുമായി ബന്ധപ്പെട്ട മുതിര്‍ന്ന ഉദ്യോഗസ്ഥരുമായി അമിത് ഷാ കൂടിക്കാഴ്ച നടത്തിയതായി ആഭ്യന്തര മന്ത്രാലയ വൃത്തങ്ങള്‍ അറിയിച്ചു.

ദേശീയ സുരക്ഷാ ഉപദേഷ്ടാവ് അജിത് ഡോവല്‍, ആഭ്യന്തര സെക്രട്ടറി അജയ് കുമാര്‍ ഭല്ല, എന്‍ഐഎ ഡിജി എന്നിവരും യോഗത്തില്‍ പങ്കെടുത്തു. റെയ്ഡിന്റെ മുഴുവന്‍ വിവരങ്ങളും അമിത് ഷാ ശേഖരിച്ചിട്ടുണ്ട്. ഇതിന് പുറമെ എന്‍ഐഎ ഉദ്യോഗസ്ഥരുടെയും ഓഫീസുകളുടെയും സുരക്ഷ ഉറപ്പാക്കാനും ആഭ്യന്തരമന്ത്രി ആവശ്യപ്പെട്ടിട്ടുണ്ട്. വിവരം അനുസരിച്ച് ഓഗസ്റ്റ് 29 ന് അമിത് ഷാ അന്വേഷണ ഏജന്‍സികളിലെ ഉന്നത ഉദ്യോഗസ്ഥരുമായി ഒരു സുപ്രധാന കൂടിക്കാഴ്ച നടത്തിയിരുന്നു.

അതില്‍ പിഎഫ്ഐക്കെതിരെ ഏകോപിപ്പിച്ച് വലിയ നടപടിയെടുക്കാന്‍ വിവിധ ഏജന്‍സികള്‍ക്ക് നിര്‍ദ്ദേശം നല്‍കി. ഇതുമായി ബന്ധപ്പെട്ട് രാത്രി വൈകി ചകഅ യുടെ നേതൃത്വത്തിലുള്ള ഏജന്‍സികള്‍ വ്യാഴാഴ്ച രാവിലെ 12 സംസ്ഥാനങ്ങളില്‍ ഒരേസമയം റെയ്ഡ് നടത്തി പിഎഫ്‌ഐയുടെ 106 പേരെ അറസ്റ്റ് ചെയ്തിട്ടുണ്ട്. എക്കാലത്തെയും വലിയ അന്വേഷണ ഓപ്പറേഷന്‍ എന്നാണ് എന്‍ഐഎ ഇതിനെ വിശേഷിപ്പിച്ചത്.


.