റിയാദ് വിമാനത്താവളത്തിന് നേരെ വീണ്ടും ഹൂതി ആക്രമണം; ക്രൂയിസ് മിസൈൽ തടഞ്ഞു, ടെർമിനൽ 4-ൽ തീപിടുത്തം

സൗദി അറേബ്യയിലെ റിയാദ് കിങ് ഖാലിദ് അന്താരാഷ്ട്ര വിമാനത്താവളത്തിന് നേരെ വീണ്ടും ഹൂതി ആക്രമണം. വിമാനത്താവളത്തിലെ നാലാം നമ്പർ പാസഞ്ചർ ലോഞ്ചിൽ പ്രൊജക്റ്റൈൽ പതിച്ചുണ്ടായ ആക്രമണം വലിയ തീപിടുത്തത്തിന് കാരണമായതായി സഖ്യസേന വക്താവ് മേജർ ജനറൽ തുർക്കി അൽ മാലിക്കി അറിയിച്ചു. ബന്ധപ്പെട്ട അധികാരികൾ സ്ഥലത്ത് പരിശോധന നടത്തിവരികയാണ്.

വിമാനത്താവള പരിസരത്തേക്ക് എത്തിയ ഒരു ക്രൂയിസ് മിസൈൽ വ്യോമ പ്രതിരോധ സേന വിജയകരമായി തടഞ്ഞു നശിപ്പിച്ചു. ശനിയാഴ്ച വിമാനത്താവളത്തിലുണ്ടായ ശക്തമായ ആക്രമണത്തിൽ 13 പേർ കൊല്ലപ്പെടുകയും 309 പേർക്ക് പരിക്കേൽക്കുകയും ചെയ്തിരുന്നു. ഈ ആക്രമണത്തെ തുടർന്ന് വിമാനത്താവളത്തിന്റെ പ്രവർത്തനം താൽക്കാലികമായി നിർത്തിവെച്ചിരിക്കെയാണ് ഞായറാഴ്ച വീണ്ടും പ്രൊജക്റ്റൈൽ പതിച്ചുള്ള ആക്രമണമുണ്ടായിരിക്കുന്നത്.