മൈക്കിൾ വുഡ്‌ഫോർഡിനും റോബർട്ട് ഇ. ഹാളിനും സാമ്പത്തികശാസ്ത്ര നോബൽ

2026-ലെ സാമ്പത്തികശാസ്ത്ര നോബൽ പുരസ്‌കാരം അമേരിക്കൻ സാമ്പത്തികശാസ്ത്രജ്ഞരായ റോബർട്ട് ഇ. ഹാളിനും മൈക്കിൾ വുഡ്‌ഫോർഡിനും ലഭിച്ചു. സാമ്പത്തിക സുസ്ഥിരതയുടെ മൈക്രോ ഇക്കണോമിക് അടിത്തറകളെക്കുറിച്ചുള്ള (microeconomic foundations of macroeconomic stabilisation) ഗവേഷണ മികവിനാണ് ഈ അംഗീകാരം. സ്റ്റോക്ക്‌ഹോമിലെ റോയൽ സ്വീഡിഷ് അക്കാദമി ഓഫ് സയൻസസാണ് പുരസ്‌കാരം പ്രഖ്യാപിച്ചത്.

കേന്ദ്ര ബാങ്കുകളും സർക്കാരുകളും സാമ്പത്തിക പ്രതിസന്ധികളെയും ആഘാതങ്ങളെയും നേരിടാൻ നിലവിൽ ഉപയോഗിക്കുന്ന മാതൃകകൾക്ക് കൃത്യമായ സിദ്ധാന്ത അടിത്തറ പാകാൻ ഇവരുടെ പഠനങ്ങൾ സഹായിച്ചതായി പുരസ്‌കാര സമിതി നിരീക്ഷിച്ചു.

12 ദശലക്ഷം സ്വീഡിഷ് ക്രോണർ (ഏകദേശം 1.2 ദശലക്ഷം യു.എസ്. ഡോളർ) അടങ്ങുന്നതാണ് പുരസ്‌കാരം. റോബർട്ട് ഇ. ഹാൾ സ്റ്റാൻഫോർഡ് സർവകലാശാലയിലെയും മൈക്കിൾ വുഡ്‌ഫോർഡ് കൊളംബിയ സർവകലാശാലയിലെയും പ്രൊഫസർമാരാണ്.