അനധികൃത പ്രവേശനത്തിന്റേതായി പ്രചരിക്കുന്ന വിഡിയോ പഴയത്: മുന്നറിയിപ്പുമായി ഒമാൻ പോലീസ്

ഒമാനിലേക്ക് വൻതോതിൽ ആളുകൾ അനധികൃതമായി കടക്കാൻ ശ്രമിക്കുന്നതായി കാണിക്കുന്ന പ്രചരിക്കുന്ന സമൂഹമാധ്യമ വിഡിയോ പഴയതാണെന്ന് റോയൽ ഒമാൻ പോലീസ് (R.O.P) വ്യക്തമാക്കി. വിഡിയോ സംബന്ധിച്ച് നടത്തിയ അന്വേഷണത്തിൽ ഇത് 2024-ൽ നടന്ന സംഭവമാണെന്നും അന്നുതന്നെ നിയമനടപടികൾ പൂർത്തിയാക്കിയതാണെന്നും പോലീസ് സ്ഥിരീകരിച്ചു.

തെറ്റായ വിവരങ്ങളും ആശയക്കുഴപ്പം സൃഷ്ടിക്കുന്ന വിഡിയോകളും പ്രചരിപ്പിക്കുന്നതിന് മുൻപ് പൊതുജനങ്ങൾ വസ്തുതകൾ പരിശോധിക്കണം. ഔദ്യോഗിക വിവരങ്ങൾക്കായി അംഗീകൃത സ്രോതസ്സുകളെ മാത്രം ആശ്രയിക്കണമെന്നും റോയൽ ഒമാൻ പോലീസ് നിർദേശിച്ചു.