ഷി ജിന്പിങ് ഉത്തര കൊറിയയിലേക്ക്
Jun 5, 2026, 14:18 IST
യുഎസ് പ്രസിഡന്റ് ഡൊണാള്ഡ് ട്രംപ്, റഷ്യന് പ്രസിഡന്റ് വ്ലാദിമിര് പുടിന് എന്നിവരുമായി കൂടിക്കാഴ്ച നടത്തിയതിനു തൊട്ടുപിന്നാലെ, ചൈനീസ് പ്രസിഡന്റ് ഷി ജിന്പിങ് ഉത്തരകൊറിയന് നേതാവ് കിം ജോങ് ഉന്നിനെ കാണുന്നു. അടുത്ത തിങ്കളാഴ്ചയാണ് ഷി ജിന്പിങ് ഉത്തര കൊറിയയില് എത്തുന്നത്. ചൊവ്വാഴ്ച മടങ്ങും. ഇരു നേതാക്കളും കൂടിക്കാഴ്ച നടത്തുമെന്ന് രണ്ട് രാജ്യങ്ങളുടെയും ഔദ്യോഗിക വാര്ത്താ ഏജന്സികള് സ്ഥിരീകരിച്ചു.2019 -ന് ശേഷം ഷി നടത്തുന്ന ആദ്യ ഉത്തരകൊറിയന് സന്ദര്ശനമാണിത്. ഷിയും കിമ്മും അവസാനമായി കണ്ടത് കഴിഞ്ഞ സെപ്റ്റംബറിലാണ്. അന്ന് ബീജിങ്ങില് നടന്ന സൈനിക പരേഡില് ഉത്തരകൊറിയന് നേതാവ് വിശിഷ്ട അതിഥിയായിരുന്നു. ആ പരേഡില് റഷ്യന് പ്രസിഡന്റ് വ്ലാദിമിര് പുടിനും പങ്കെടുത്തിരുന്നു.