പാലക്കാട്ടെ രണ്ടാമത്തെ നിപ്പ രോഗബാധിതന്റെ സമ്പർക്ക പട്ടികയിൽ 112 പേർ;സംസ്ഥാനത്ത് 609 പേർ

പാലക്കാട് നിപ്പ റിപ്പോർട്ട് ചെയ്ത രണ്ടാമത്തെ വ്യക്തിയുടെ സമ്പർക്ക പട്ടികയിൽ 112 പേരുള്ളതായി ആരോഗ്യവകുപ്പ് അറിയിച്ചു. സിസിടിവി ഉൾപ്പെടെയുള്ള വിവരങ്ങൾ ശേഖരിച്ച് റൂട്ട് മാപ്പ് തയാറാക്കി. കണ്ടെയ്ൻമെന്റ്‌റ് സോൺ പ്രഖ്യാപിച്ച് പ്രദേശത്ത് ഫീൽഡ് തല പ്രവർത്തനങ്ങളും നിരീക്ഷണവും ശക്തമാക്കി. ആരോഗ്യ വകുപ്പിന്റെ വിദഗ്ധ ടീം സ്ഥലം സന്ദർശിച്ച് തുടർനടപടികൾ സ്വീകരിച്ചതായും ആരോഗ്യ വകുപ്പ് വ്യക്തമാക്കി

അതേസയം സംസ്ഥാനത്ത് വിവിധ ജില്ലകളിലായി നിപ്പ് സമ്പർക്കപ്പട്ടികയിൽ ആകെ 609 പേരാണ് ഉള്ളത്. 112 പേർ പാലക്കാട് . മലപ്പുറം ജില്ലയിൽ 207 പേർ,പാലക്കാട് 286 പേരും കോഴിക്കോട് 114 പേരും എറണാകുളത്ത് 2 പേരുമാണ് ഉള്ളത്. മലപ്പുറത്ത് 8 പേർ ഐസിയു ചികിത്സയിലുള്ളത്. മലപ്പുറം ജില്ലയിൽ ഇതുവരെ 72 സാംപിളുകൾ നെഗറ്റീവ് ആയിട്ടുണ്ട്. പാലക്കാട് 5 പേർ ഐസലേഷനിൽ ചികിത്സയിലാണ്. സംസ്ഥാനത്ത് ആകെ 38 പേർ ഹൈയസ്റ്റ് റിസ്‌കിലും 133 പേർ ഹൈ റിസ്‌ക് വിഭാഗത്തിലും നിരീക്ഷണത്തിലാണ്.