മലയാളി കന്യാസ്ത്രീകളുടെ അറസ്റ്റ്: കേന്ദ്ര -സംസ്ഥാന സർക്കാരുകൾ വിഷയത്തിൽ ഗൗരവമായി ഇടപെടണമെന്ന് ലത്തീൻ കത്തോലിക്ക സഭ

ഛത്തീസ്ഗഡിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവത്തിൽ കേന്ദ്രവും സംസ്ഥാന സർക്കാരുകളും ഗൗരവത്തോടെ ഇടപെടണമെന്ന് ലത്തീൻ കത്തോലിക്ക സഭ ആവശ്യപ്പെട്ടു. ക്രൈസ്ത ന്യൂന പക്ഷങ്ങൾക്കെതിരെയുള്ള അക്രമങ്ങൾ ഭയം ജനിപ്പിക്കുന്നു.മതപരിവർത്തനക്കുറ്റം ചേർക്കപ്പെട്ടത് കേസ് ബലപ്പെടുത്താൻ വേണ്ടിയാണെന്നും ഈ തരത്തിലുള്ള കള്ളക്കേസുകൾ മതസഹിഷ്ണുതയ്ക്ക് ഭീഷണിയാണ്.ചത്തീസ്ഡഢ് മുഖ്യമന്ത്രി അക്രമത്തെ ന്യായീകരിച്ചത് ആശങ്ക വർധിപ്പിക്കുന്നുണ്ടെന്നും ലത്തീൻ കത്തോലിക്ക സഭ പുറത്തിറക്കിയ വാർത്താക്കുറിപ്പിൽ അറിയിച്ചു.

നിരപരാധികളായ കന്യാസ്ത്രീകളെ മോചിപ്പിക്കണം. കുറ്റവാളികളെ ശിക്ഷിക്കണം. 2014 മുതൽ 2024 വരെ ക്രൈസ്തവർക്ക് തിരെ നടന്നത് 4316 അക്രമങ്ങൾ. 2023 ൽ 733 ആയിരുന്നു എന്നാൽ അത് 2024 ൽ 834 ആയി വർധിച്ചുവെന്നും സഭ പറഞ്ഞു.