സിനിമാ മേഖലയിൽ ജനുവരി 21ന് സൂചനാ പണിമുടക്ക്

വിവിധ ആവശ്യങ്ങൾ മുന്നോട്ടുവച്ച് സിനിമാ രംഗത്തെ സംഘടനകൾ ജനുവരി 21ന് സംസ്ഥാനത്ത് സൂചനാ പണിമുടക്ക് നടത്താൻ തീരുമാനിച്ചു. തിയറ്ററുകൾ അടച്ചിട്ടും ഷൂട്ടിങ് അടക്കം നിർത്തിവച്ചുമാണ് പണിമുടക്ക്. ഫിലിം ചേംബർ, പ്രൊഡ്യൂസേഴ്സ് അസോസിയേഷൻ തുടങ്ങിയ സംഘടനകൾ സംയുക്തതമായി ചൊവ്വാഴ്ച കൊച്ചിയിൽ  ചേർന്ന് യോഗത്തിലാണ്  പണിമുടക്ക് പ്രഖ്യാപിച്ചത്.തദ്ദേശ സ്ഥാപനങ്ങൾ ഈടാക്കുന്ന വിനോദ നികുതി ഒഴിവാക്കണമെന്നതടക്കമുള്ള ആവശ്യങ്ങൾ ഉന്നയിച്ചാണ് പണിമുടക്കുന്നത്. ജിഎസ്ടിക്ക് പുറമെ വിനോദ നികുതിയും നൽകുന്നത് സിനിമ മേഖലയിൽ പ്രതിസന്ധിയാണ് സൃഷ്ടിക്കുന്നതായി സംഘടനകൾ ആരോപിച്ചു