നെടുമ്പാശേരിയിൽ ഡിവൈഎഫ്ഐ യൂണിറ്റ് പ്രസിഡന്റ് ജീവനൊടുക്കിയ നിലയിൽ

നെടുമ്പാശേരിയിൽ ഡിവൈഎഫ്ഐ നേതാവിനെ ജീവനൊടുക്കിയ നിലയിൽ കണ്ടെത്തി. കുറുമശേരി വെസ്റ്റ് യൂണിറ്റ് പ്രസിഡന്റ് ആലപ്പാട്ട് വീട്ടിൽ ആരിഷ് അജി (24) ആണ് മരിച്ചത്. താമസിക്കുന്ന വീടിന് സമീപം നിർമ്മാണത്തിലിരിക്കുന്ന പുതിയ വീടിനുള്ളിലാണ് ആരിഷിനെ മരിച്ച നിലയിൽ കണ്ടെത്തിയത്. അജി - അനിത ദമ്പതികളുടെ മകനാണ്.

സ്വകാര്യ സ്ഥാപനത്തിൽ മെഡിക്കൽ റെപ്പായി ജോലി ചെയ്യുകയായിരുന്ന ആരിഷ് അജിയുടെ വിവാഹം നിശ്ചയിച്ചിരിക്കുകയായിരുന്നു. പോസ്റ്റ്മാർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു.