ഇക്കോടൂറിസം ടിക്കറ്റുകൾ ഇനി ഓൺലൈനായി: വനം വകുപ്പിന്റെ പുതിയ പോർട്ടൽ പ്രവർത്തനമാരംഭിച്ചു

കേരളത്തിന്റെ ഇക്കോടൂറിസം കേന്ദ്രങ്ങളിലേക്കുള്ള പ്രവേശന ടിക്കറ്റുകൾ ഇനി വീട്ടിലിരുന്നു ബുക്ക് ചെയ്യാം. കേരള വനം വകുപ്പിന്റെ പുതിയ കേന്ദ്രീകൃത ഇക്കോടൂറിസം വെബ് പോർട്ടൽ ecotourism.forest.kerala.gov.in വഴിയാണ് ടിക്കറ്റ് ബുക്ക് ചെയ്യാനുള്ള സൗകര്യം. ജൂലൈ മൂന്നിന് വനംമഹോത്സവത്തിന്റെ ഭാഗമായി വനം വകുപ്പ് മന്ത്രി എ.കെ ശശീന്ദ്രൻ പോർട്ടൽ ഉദ്ഘാടനം ചെയ്തിരുന്നു.

സംസ്ഥാനത്തെ 80-ൽ പരം ഇക്കോടൂറിസം കേന്ദ്രങ്ങളിലേക്കുള്ള പ്രവേശന ടിക്കറ്റുകൾ ഇനി വീട്ടിൽ ഇരുന്ന് ബുക്ക് ചെയ്യാം. വ്യത്യസ്ത പാക്കേജുകൾ, ക്യാൻസലേഷൻ, റീഫണ്ട് സൗകര്യങ്ങൾ, ഉപഭോക്തൃ്യ സേവനം, വനശ്രീ ഉൽപന്നങ്ങളുടെ വാങ്ങൽ എന്നിവയൊക്കെ ഇനി ഒരു പ്ലാറ്റ്‌ഫോമിൽ സാധ്യമാണ്.

ടിസ്സർ ടെക്‌നോളജീസ്, സംസ്ഥാന വന വികസന ഏജൻസി (SFDA) എന്നിവയുടെ സഹകരണത്തോടെയാണ് ഈ പോർട്ടലിന്റെ സാങ്കേതിക സമന്വയം സാധ്യമാക്കിയത്. .കൂടുതൽ സൗകര്യങ്ങൾ ഒരുക്കി പോർട്ടലിന്റെ രണ്ടാം ഘട്ട നവീകരണവും വനം വകുപ്പിന്റെ ആലോചനയിലുണ്ട്.