സർക്കാർ ഓഫിസുകളിൽ കെട്ടിക്കിടക്കുന്ന ഫയലുകൾ തീർപ്പാക്കാൻ 'ജനസ്പർശം' അദാലത്ത്; നൂറുദിന കർമപദ്ധതികളിൽ 96.5% വിജയമെന്ന് മുഖ്യമന്ത്രി വി.ഡി. സതീശൻ

സർക്കാർ ഓഫീസുകളിൽ തീർപ്പാകാതെ കെട്ടിക്കിടക്കുന്ന ലക്ഷക്കണക്കിന് ഫയലുകൾ വേഗത്തിൽ തീർപ്പാക്കുന്നതിനായി ഒക്ടോബർ 15 മുതൽ ഡിസംബർ 31 വരെ 'ജനസ്പർശം' എന്ന പേരിൽ സമഗ്ര ഫയൽ അദാലത്ത് നടത്തുമെന്ന് മുഖ്യമന്ത്രി വി.ഡി. സതീശൻ അറിയിച്ചു. വാർത്താസമ്മേളനത്തിൽ സംസാരിക്കവേ സർക്കാറിന്റെ 100 ദിന കർമപദ്ധതികളിൽ ഉൾപ്പെടുത്തിയ 588 പദ്ധതികളിൽ 568 എണ്ണവും (96.5%) വിജയകരമായി പൂർത്തിയാക്കിയതായും മുഖ്യമന്ത്രി വ്യക്തമാക്കി.

ഫയലുകൾ കെട്ടിക്കിടക്കുന്നതിന്റെ കാരണങ്ങൾ കണ്ടെത്തി ഭരണസംവിധാനത്തിൽ ശാശ്വത പരിഹാരം കൊണ്ടുവരുമെന്നും ഒരേ വിഷയത്തിൽ വിവിധ വകുപ്പുകളിലേക്ക് ഫയലുകൾ ആവർത്തിച്ച് കൈമാറുന്നത് ഒഴിവാക്കുമെന്നും അദ്ദേഹം കൂട്ടിച്ചേർത്തു. അതോടൊപ്പം, എക്‌സാലോജിക് മാസപ്പടി കേസിൽ കോടതി വിധി അംഗീകരിക്കുമെന്നും പ്രതിപക്ഷ നേതാവ് പിണറായി വിജയൻ, മുൻമന്ത്രി മുഹമ്മദ് റിയാസ്, വീണാ വിജയൻ എന്നിവർക്കെതിരെ ഉടൻ എഫ്.ഐ.ആർ രജിസ്റ്റർ ചെയ്യാനുള്ള നടപടികൾ സ്വീകരിക്കുമെന്നും മുഖ്യമന്ത്രി വാർത്താസമ്മേളനത്തിൽ വ്യക്തമാക്കി.