കീം റാങ്ക് പട്ടിക: സുപ്രീംകോടതിയിൽ തടസഹർജി നൽകി സിബിഎസ്ഇ വിദ്യാർത്ഥികൾ

കീം റാങ്ക് പട്ടികയുമായി ബന്ധപ്പെട്ട് കേസിൽ തടസഹർജി സമർപ്പിച്ച് സിബിഎസ്ഇ വിദ്യാർത്ഥികൾ. നാല് വിദ്യാർത്ഥികളാണ് തടസഹർജി സമർപ്പിച്ചത്. അഭിഭാഷകൻ അൽജോ കെ ജോസഫ് മുഖാന്തരമാണ് തടസഹർജി സമർപ്പിച്ചത്.

അതെസമയം റാങ്ക് പട്ടികയ്‌ക്കെതിരെ കേരള സിലബസ് വിദ്യാർത്ഥികൾ നൽകിയ ഹർജി നാളെ സുപ്രീംകോടതിയിൽ പരാമർശിക്കും. മുതിർന്ന അഭിഭാഷകൻ പ്രശാന്ത് ഭൂഷണനാണ് ഹർജി പരാമർശിക്കുക. ഹർജി വേഗത്തിൽ പരിഗണിക്കണമെന്ന് ആവശ്യപ്പെടും.