ലോക്സഭാ തെരഞ്ഞെടുപ്പ്; മുസ്ലിം ലീഗിന് മൂന്നാം സീറ്റ് നൽകില്ലെന്ന് കോൺഗ്രസ്, സീറ്റ് വിട്ടുതരാന് കഴിയുന്ന സാഹചര്യമില്ല
Updated: Feb 5, 2024, 18:45 IST
ലോക്സഭാ തെരഞ്ഞെടുപ്പിൽ മുസ്ലിം ലീഗിന് മൂന്നാം സീറ്റ് നൽകില്ലെന്ന് കോൺഗ്രസ്. സീറ്റ് വിട്ടുതരാന് കഴിയുന്ന സാഹചര്യമല്ലെന്ന് കോണ്ഗ്രസ് നേതൃത്വം ലീഗ് നേതാക്കളെ ബോധ്യപ്പെടുത്തി. അതേസമയം, കോട്ടയം സീറ്റ് കേരളാ കോണ്ഗ്രസ് ജോസഫ് വിഭാഗത്തിന് നല്കാന് ധാരണയായി. സീറ്റുകളുടെ കാര്യത്തില് ഒന്നിച്ചുള്ള പ്രഖ്യാപനം അടുത്തയാഴ്ചയുണ്ടാകും. ഇത്തവണ പറയുന്ന പോലെയല്ലെന്നും, നിർബന്ധമായും മൂന്നാം സീറ്റ് വേണമെന്നും മുസ്ലിം ലീഗ് നേതാവ് പികെ കുഞ്ഞാലിക്കുട്ടി പറഞ്ഞിരുന്നു.
മൂന്നുസീറ്റിന് അര്ഹതയുണ്ടെങ്കിലും രണ്ടില് തൃപ്തിപ്പെടണമെന്ന് രാഷ്ട്രീയ സാഹചര്യങ്ങള് നിരത്തി ബോധ്യപ്പെടുത്തുകയാണ് കോണ്ഗ്രസ്. എന്നാൽ കോര് കമ്മിറ്റിയില് ചര്ച്ചചെയ്തേ തീരുമാനം പറയാനാകൂവെന്ന് ലീഗ് അറിയിച്ചതായാണ് വിവരം.