എംഎസ്സി എൽസ 03 കപ്പൽ അപകടത്തിൽ വിഴിഞ്ഞത്ത് എത്തിയ എംഎസ്സിയുടെ മറ്റാരു കപ്പൽ കസ്റ്റഡിയിൽ വയ്ക്കാൻ ഹൈക്കോടതി നിർദേശം നൽകി.കപ്പൽ അപകടത്തിന് പിന്നാലെ സർക്കാർ ഒരു പെനാൽട്ടി സ്യൂട്ട് ഫയൽ ചെയ്തിരുന്നു. അതിന്മേലാണ് ഹൈക്കോടതി ഉത്തരവ്.

വിഴിഞ്ഞത്ത് എത്തിയ എംഎസ്സി കമ്പനിയുടെ AKITETA II കപ്പൽ അറസ്റ്റ് ചെയ്യാനാണ് ഹൈക്കോടതി നിർദേശിച്ചിരിക്കുന്നത്. 9531 കോടി രൂപയാണ് നഷ്ടപരിഹാരമായി സർക്കാർ ആവശ്യപ്പെട്ടിരിക്കുന്നത്. ഈ തുക കെട്ടിവയ്ക്കാതെ കപ്പലിന് പോകാൻ അനുവാദം നൽകിയേക്കില്ല. അടുത്ത ദിവസം തന്നെ ഇതിൽ കൂടുതൽ വാദങ്ങളുണ്ടായേക്കും

ലൈബീരിയൻ ചരക്ക് കപ്പലായ എംഎസി എൽസ 3 മെയ് 24നാണ് അപകടത്തിൽപ്പെട്ടത്. ആലപ്പുഴ തോട്ടപ്പള്ളിയിൽനിന്ന് 14.6 നോട്ടിക്കൽ മൈലും കൊച്ചിയിൽനിന്ന് 40 നോട്ടിക്കൽ മൈലും അകലെയാണ് കപ്പൽ അപകടത്തിൽപ്പെട്ടത്.