പിഎം ശ്രീ വിവാദം; ബിനോയ് വിശ്വം ഉദ്ദേശിച്ച 'സംതിങ് റോങ്' സിപിഎം-ബിജെപി അവിഹിത ബന്ധമെന്ന് വിഡി സതീശൻ

പിഎം ശ്രീ വിവാദത്തിൽ പ്രതികരിച്ച് പ്രതിപക്ഷ നേതാവ് വിഡി സതീശൻ. സിപിഐയേക്കാൾ സിപിഎമ്മിന് പ്രധാനം ബിജെപിയെന്ന് അദേഹം പറഞ്ഞു.ബിനോയ് വിശ്വത്തിന്റെ പ്രതികരണം ഭരണമുന്നണിയിലെ കലഹം വ്യക്തമാക്കുന്നു എന്നും സതീശൻ പറഞ്ഞു. ബിജെപിയുമായുള്ള അവിഹിത ബന്ധമാണ് ബിനോയ് വിശ്വം ഉദ്ദേശിച്ച 'സംതിങ് റോങ്' എന്നും അദേഹം വിമർശിച്ചു. ദേശീയ വിദ്യാഭ്യാസ നയത്തിൽ സിപിഎമ്മിന്റെ കേന്ദ്ര നിലപാട് എന്താണെന്ന് കേന്ദ്ര നേതൃത്വം വ്യക്തമാക്കട്ടെ. കോൺഗ്രസ് ഭരിക്കുന്ന സംസ്ഥാനങ്ങളിൽ പദ്ധതി അംഗീകരിക്കുമ്പോൾ നിബന്ധനകൾ ഉണ്ടായിരുന്നില്ല. നിബന്ധനകളെ എതിർത്ത് എഐസിസി രംഗത്ത് വന്നിരുന്നുവെന്നും അദ്ദേഹം വ്യക്തമാക്കി.