പുല്ലാട് ഭാര്യയെ കൊലപ്പെടുത്തി ഒളിവിൽ പോയ പ്രതിയെ തിരുവല്ലയിൽ നിന്നും പൊലീസ് പിടികൂടി

പത്തനംതിട്ട പുല്ലാട് ഭാര്യയെ കുത്തിക്കൊലപ്പെടുത്തി ഒളിവിൽ പോയ പ്രതി ജയകുമാർ പിടിയിൽ. തിരുവല്ല നഗരത്തിൽ നിന്ന് സ്‌പെഷ്യൽ ബ്രാഞ്ച് ഉദ്യോഗസ്ഥരാണ് പ്രതി ജയകുമാറിനെ പിടികൂടിയത്. കൊലപാതകം നടത്തി നാലാം ദിവസമാണ് പ്രതി പൊലീസ് പിടിയിലാകുന്നത്.

കഴിഞ്ഞ ശനിയാഴ്ച രാത്രിയാണ് പ്രതി ജയകുമാർ ഭാര്യയെ ക്രൂരമായി കുത്തിക്കൊലപ്പെടുത്തിയത്.. ഭാര്യക്ക് മറ്റ് ബന്ധങ്ങൾ ഉണ്ടെന്ന സംശയത്തെ തുടർന്ന് വീട്ടിൽ തർക്കമാണ് കൊലപാതകത്തിലേക്ക് നയിച്ചത്.കൊലപാതക ശ്രമം തടയാൻ എത്തിയ ഭാര്യ പിതാവ് ശശി ബന്ധു രാധാമണി എന്നിവർക്കും ആക്രമണത്തിൽ പരുക്കേറ്റിരുന്നു. തിരുവല്ല നഗരത്തിൽ വച്ച് സ്‌പെഷ്യൽ ബ്രാഞ്ച് ഉദ്യോഗസ്ഥരാണ് ജയകുമാറിനെ പിടികൂടിയത്. പിന്നീട് പ്രതിയെ കോഴിപ്പുറം ലോക്കൽ പൊലീസിന് കൈമാറി. ജയകുമാറിന്റെ കുത്തേറ്റ് പരിക്ക് സംഭവിച്ച ഭാര്യ പിതാവ് ശശിയും ബന്ധു രാധാമണിയും കോട്ടയം മെഡിക്കൽ കോളേജിൽ ചികിത്സയിലാണ്