കോഴിക്കോട് സബ്സ്റ്റേഷനിൽ അറ്റകുറ്റപണി;മെയ് 25 വരെ നാല് ജില്ലകളിൽ ഭാഗിക വൈദ്യുതി നിയന്ത്രണം ഉണ്ടാകുമെന്ന് കെഎസ്ഇബി
May 22, 2026, 17:37 IST
കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിൽ ഭാഗീകമായി വൈദ്യുതി നിയന്ത്രണം ഉണ്ടാകാൻ സാധ്യതയുണ്ടെന്ന് കെ എസ് ഇ ബി അറിയിച്ചു. പവർഗ്രിഡ് കോർപ്പറേഷൻ കോഴിക്കോട് 400 കെവി സബ്സ്റ്റേഷനിലെ മൂന്നാമത് നമ്പർ 500 എം വി എ ട്രാൻസ്ഫോർമറിന്റെ 220 കെ വി ബുഷിംഗിൽ തകരാർ സംഭവിച്ചിരുന്നു.ഈ ട്രാൻസ്ഫോർമറിന്റെ അറ്റകുറ്റപണികൾക്ക് 12.05.2026 മുതൽ ഒരാഴ്ചക്കാലം വേണ്ടിവരുമെന്ന് പവർഗ്രിഡ് കോർപ്പറേഷൻ (PGCIL) അറിയിച്ച സാഹചര്യത്തിൽ കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിൽ മേൽ ദിവസങ്ങളിൽ ഭാഗീകമായി വൈദ്യുതി നിയന്ത്രണം വേണ്ടിവരുമെന്ന് കെ.എസ്.ഇ.ബി.എൽ അറിയിച്ചിരുന്നു.എന്നാൽ അറ്റകുറ്റപണികൾ തീർക്കാനുള്ള ജോലികൾ പൂർത്തിയാക്കുന്നതിന് 2026 മെയ് 25 വരെ സമയം ആവശ്യമായി വരുമെന്ന് പവർഗ്രിഡ് കോർപ്പറേഷൻ ഇപ്പോൾ അറിയിച്ച സാഹചര്യത്തിൽ 2026 മെയ് 25 വരെ കോഴിക്കോട്, വയനാട്, കണ്ണൂർ, കാസറഗോഡ് എന്നീ ജില്ലകളിൽ ഭാഗീകമായി വൈദ്യുതി നിയന്ത്രണത്തിന് സാധ്യതയുള്ളതായി കെ.എസ്.ഇ.ബി.എൽ അറിയിച്ചു.