ആലുവയിൽ പീഡിപ്പിക്കപ്പെട്ട കുട്ടിക്ക് അടിയന്തര ധനസഹായമായി 1 ലക്ഷം രൂപ അനുവദിക്കും; സൗജന്യ ചികിത്സയും ഉറപ്പുവരുത്തി
Sep 7, 2023, 16:56 IST
ആലുവയില് പീഡിപ്പിക്കപ്പെട്ട എട്ടു വയസുകാരിക്ക് അടിയന്തര ധനസഹായമായി 1 ലക്ഷം രൂപ അനുവദിക്കുമെന്ന് ആരോഗ്യ മന്ത്രി വീണാ ജോര്ജ്. വനിത ശിശുവികസന വകുപ്പിന്റെ ആശ്വാസനിധിയില് നിന്നാണ് തുക അനുവദിക്കുക. എറണാകുളം മെഡിക്കല് കോളജില് കുട്ടിക്ക് സൗജന്യ വിദഗ്ധ ചികിത്സ ഉറപ്പ് വരുത്തിയിട്ടുണ്ട്. ഇതിനോടൊപ്പം ആശുപത്രിയില് 10,000 രൂപ അടിയന്തരമായി നല്കി. നിലവില് വിദഗ്ധ ഡോക്ടര്മാരുടെ നിരീക്ഷണത്തിലാണ് കുട്ടിയെന്നും, ആരോഗ്യനില തൃപ്തികരമാണെന്ന് സൂപ്രണ്ട് അറിയിച്ചിട്ടുണ്ടെന്നും മന്ത്രി വ്യക്തമാക്കി.
സംഭവത്തിൽ അടിയന്തരമായി അന്വേഷണം നടത്തി ആവശ്യമായ സംരക്ഷണം നല്കാന് വനിത ശിശുവികസന വകുപ്പ് ഡയറക്ടര്ക്ക് ആരോഗ്യമന്ത്രി നിര്ദേശം നല്കിയിരുന്നു. തുടർന്ന് ജില്ലാ വനിത ശിശുവികസന വകുപ്പ് ഓഫീസറുടെ നേതൃത്വത്തില് ചൈല്ഡ് പ്രൊട്ടക്ഷന് ഓഫീസര്, സൂപ്പര്വൈസര്, സി.ഡി.പി.ഒ. തുടങ്ങിയ ഉദ്യോഗസ്ഥര് സ്ഥലവും ആശുപത്രിയും സന്ദര്ശിച്ച് മേല്നടപടികള് സ്വീകരിച്ചു. പ്രതിയ്ക്കെതിരെ ശക്തമായ നടപടി സ്വീകരിക്കും.