ശബരിമല സ്വർണക്കൊള്ള കേസ്: ശാസ്ത്രീയ പരിശോധന റിപ്പോർട്ട് കോടതിയിൽ സമർപ്പിച്ചു

ശബരിമല സ്വർണക്കൊള്ള കേസുമായി ബന്ധപ്പെട്ട ഉരുപ്പടികളുടെ ശാസ്ത്രീയ പരിശോധന റിപ്പോർട്ട് കോടതിയിൽ സമർപ്പിച്ചു. മുദ്രവെച്ച കവറിലായാണ് വിഎസ്എസ് റിപ്പോർട്ട് കോടതിയിൽ സമർപ്പിച്ചത്.ദ്വാരപാലകശില്പം, കട്ടിളപ്പാളി തുടങ്ങിയ 15 സാംമ്പിളുകളുടെ പരിശോധനഫലമാണ് സമർപ്പിച്ചത്.നവംബർ 17 നാണ് വിഎസ്എസി അധികൃതർ സന്നിധാനത്ത് പരിശോധന നടത്തിയത്.ഏകദേശം 14 മണിക്കൂർ നീണ്ട പരിശോധനയ്‌ക്കൊടുവിലാണ് ശാസ്ത്രീയ വിലയിരുത്തൽ പൂർത്തിയാക്കിയത്.ദ്വാരപാലക ശിൽപവും കട്ടിളപ്പാളിയും മാത്രമാണോ തട്ടിക്കൊണ്ടുപോയത് എന്ന സംശയത്തിന് ഈ പരിശോധന റിപ്പോർട്ടിലൂടെ വ്യക്തമായ മറുപടി ലഭിക്കുമെന്നാണ് അന്വേഷണ ഏജൻസികളുടെ വിലയിരുത്തൽ നിലവിലുള്ള സ്വർണത്തിന്റെ പഴക്കം, പരിശുദ്ധി എന്നിവ സംബന്ധിച്ചുള്ള വിവരങ്ങളും റിപ്പോർട്ടിലുണ്ട്