പ്രതിപക്ഷ ഉപനേതൃസ്ഥാനം സിപിഐക്ക് അവകാശപ്പെട്ടത്; എല്ലാ സ്ഥാനങ്ങളും പങ്കുവെക്കണം: ബിനോയ് വിശ്വം
പ്രതിപക്ഷ ഉപനേതൃസ്ഥാനത്തെ ചൊല്ലി മുന്നണിക്കുള്ളിൽ തർക്കമില്ലെന്നും ആ സ്ഥാനം സിപിഐക്ക് അവകാശപ്പെട്ടതാണെന്നും സിപിഐ സംസ്ഥാന സെക്രട്ടറി ബിനോയ് വിശ്വം. മുന്നണിയെ ശക്തിപ്പെടുത്താനാണ് സിപിഐയുടെ നിലപാടെന്നും എല്ലാ സ്ഥാനങ്ങളും ഒരേയൊരു പാർട്ടിക്ക് എന്ന രീതി മാറി സ്ഥാനങ്ങൾ പങ്കുവെക്കണമെന്നും അദ്ദേഹം ആവശ്യപ്പെട്ടു.
തിരുവനന്തപുരംയിൽ നടന്ന യോഗത്തിൽ സംസാരിക്കവെയായിരുന്നു ബിനോയ് വിശ്വത്തിന്റെ പ്രതികരണം. കീഴ്വഴക്കം പറഞ്ഞ് ഒഴിഞ്ഞുമാറാന് ആര്ക്കും കഴിയില്ലെന്നും എല്ലാ കീഴ്വഴക്കങ്ങളും മാറ്റേണ്ടി വന്നാല് മാറ്റിയേ തീരൂവെന്നും ബിനോയ് വിശ്വം പറഞ്ഞു. കീഴ്വഴക്കമല്ല, രാഷ്ട്രീയവും എല്ഡിഎഫും ഒന്നിച്ചു പോക്കുമാണ് വലുതെന്നും അദ്ദേഹം വ്യക്തമാക്കി.
എല്ലാ സ്ഥാനവും ഒറ്റ പാര്ട്ടിക്ക് എന്ന രീതി മാറിയേ തീരൂ. സ്ഥാനങ്ങള് ചെറുതോ വലുതോ ആകട്ടെ അത് പങ്കുവയ്ക്കണം. സിപിഐയുടെ ആവശ്യം എല്ഡിഎഫിനെ ദുര്ബലമാക്കാന് അല്ല ശക്തമാക്കാനാണെന്നും അദ്ദേഹം വിശദീകരിച്ചു. ഒറ്റക്കെട്ടായി മുന്നോട്ടു പോകണമെങ്കില് സ്ഥാനങ്ങള് പങ്കുവെക്കേണ്ടത് അനിവാര്യമാണെന്ന ഓര്മപ്പെടുത്തലുമുണ്ടായി. മുഖ്യമന്ത്രി പട്ടം വേണ്ടെന്നുവെച്ച പാര്ട്ടിക്ക് പ്രതിപക്ഷ ഉപനേതാവ് സ്ഥാനത്തിന് എന്ത് വലിപ്പമെന്നും അദ്ദേഹം ചോദിച്ചു. പക്ഷേ എല്ഡിഎഫിനുള്ളില് ആ ബോധ്യം വേണമെന്നും അദ്ദേഹം പറഞ്ഞു.ഇതുമായി ബന്ധപ്പെട്ട് എൽഡിഎഫ് കൺവീനർ ടി.പി. രാമകൃഷ്ണനെ കാണുമെന്നും അദ്ദേഹം വ്യക്തമാക്കി.