അണയാത്ത വിപ്ലവം;വി.എസ് -ജീവിതരേഖ

കേരള രാഷ്ട്രീയത്തിലെ അഭിമാന നാമം വി.എസ്. അച്യുതാനന്ദൻ. ''വി.എസ്.'' എന്നത് മലയാളിയുടെ മനസ്സിൽ വെറും രണ്ടു അക്ഷരങ്ങൾ മാത്രമല്ല, വിപ്ലവത്തിന്റെ പ്രതീകമാണ്. ഒരു നൂറ്റാണ്ട് പിന്നിട്ട അദ്ദേഹത്തിൻറെ ജീവിതം കേരളത്തിന്റെയും കമ്മ്യൂണിസ്റ്റ് പാർട്ടിയുടെയും ചരിത്രത്തിലെ സമരഭരിതമായ അദ്ധ്യായമാണ്.

ജീവിതരേഖ

• 1923 ഒക്ടോബർ 20: വെന്തലത്തറ ശങ്കരന്റെയും അക്കമ്മയുടെയും മകനായി ജനനം
• 1927: അമ്മ അക്കമ്മ വസൂരിമൂലം മരിച്ചു
• 1934: അച്ഛൻ ശങ്കരൻ മരിച്ചു. തുടർന്ന് ഏഴാം ക്ലാസിൽ പഠനം നിർത്തി. പറവൂരിലെ തുന്നൽക്കടയിൽ ജോലിക്ക് ചേർന്നു.
• 1939: സ്റ്റേറ്റ് കോൺഗ്രസിൽ അംഗമായി
• 1940 മാർച്ച്: 17- വയസ്സിൽ കമ്യൂണിസ്റ്റ് പാർടി അംഗം
• 1943: കോഴിക്കോട്ട് ചേർന്ന കമ്യൂണിസ്റ്റ് പാർടിയുടെ ആദ്യ സമ്മേളനത്തിൽ പങ്കെടുത്തു.
• 1946: പുന്നപ്ര- വയലാർ സമരസജ്ജീകരണങ്ങളിൽ പങ്കെടുത്തു. ഒളിവിൽ കഴിയവേ പൂഞ്ഞാർ പൊലീസ് അറസ്റ്റ് ചെയ്തു.
• 1948: ജയിൽ മോചിതനായി. കമ്യൂണിസ്റ്റ് പാർടി നിരോധിച്ചതിനാൽ 1952 വരെ ഒളിവിൽ കഴിഞ്ഞു.
• 1952-: കമ്യൂണിസ്റ്റ് പാർടി ആലപ്പുഴ ഡിവിഷൻ സെക്രട്ടറി.
• 1954-: പാർടി സംസ്ഥാന കമ്മിറ്റി അംഗം.
• 1956-: ആലപ്പുഴ ജില്ലാ സെക്രട്ടറി.
• 1959: കമ്യൂണിസ്റ്റ് പാർടി ദേശീയ കൗൺസിൽ അംഗം.
• 1962: ഇന്ത്യ-- ചൈന യുദ്ധകാലത്ത് ചൈന ചാരൻ എന്ന് മുദ്രകുത്തി ഒരു വർഷത്തോളം ജയിലിലടച്ചു.
• 1964-: ദേശീയ കൗൺസിൽ യോഗത്തിൽനിന്ന് ഇറങ്ങിപ്പോന്ന് സിപിഐ എം രൂപീകരണത്തിൽ പങ്കാളി. തുടർന്ന് സിപിഐ എം കേന്ദ്ര കമ്മിറ്റി അംഗം.
• 1967 ജൂൺ 18: കെ വസുമതിയെ വിവാഹം കഴിച്ചു.
• 1980- 1991: മൂന്നുതവണ പാർടി സംസ്ഥാന സെക്രട്ടറി.
• 1986: പാർടി പൊളിറ്റ് ബ്യൂറോ അംഗമായി.
• 1996 ജൂൺ- 2005 ജൂലൈ: ദേശാഭിമാനി ചീഫ് എഡിറ്റർ
• 1998-2001: എൽഡിഎഫ് കൺവീനർ
• 2025 ജൂലൈ 21 : മരണം

തെരഞ്ഞെടുപ്പ് പോരാട്ടം

• 1965: നിയമസഭാ തെരഞ്ഞെടുപ്പിൽ അമ്പലപ്പുഴയിൽനിന്ന് മത്സരിച്ചു പരാജയപ്പെട്ടു. 1967ലും 1970ലും ജയിച്ചു. 1977ൽ പരാജയപ്പെട്ടു.
• 1991ൽ മാരാരിക്കുളത്തുനിന്ന് ജയിച്ച് 92ൽ പ്രതിപക്ഷ നേതാവ്. 1996ൽ ഇവിടെ പരാജയപ്പെട്ടു.
• 2001 മുതൽ 2016 വരെ നാല് തവണ മലമ്പുഴ മണ്ഡലത്തിൽനിന്ന് തെരഞ്ഞെടുക്കപ്പെട്ടു.
• 1992-1996, 2001- 2006, 2011- 2016: പ്രതിപക്ഷ നേതാവ്.
• 2006- 2011: മുഖ്യമന്ത്രി
• 2016 ആഗസ്ത് 3- 2021 ജനുവരി 30: സംസ്ഥാന ഭരണപരിഷ്‌കാര കമീഷൻ ചെയർമാൻ