'മണിപ്പൂര്‍ കത്തിയെരിഞ്ഞപ്പോള്‍ തിരിഞ്ഞുനോക്കാത്തവര്‍'; രാഹുൽ ഗാന്ധിയുടെ വിദേശയാത്രകൾ വിവാദമാക്കുന്നത് അനാവശ്യമെന്ന് എം.എ. ബേബി
ലോക്‌സഭാ പ്രതിപക്ഷ നേതാവ് രാഹുൽ ഗാന്ധിയുടെ വിദേശസന്ദർശനങ്ങളെക്കുറിച്ച് അനാവശ്യ വിവാദങ്ങൾ ഉണ്ടാക്കുന്നത് ജനങ്ങളിൽ ആശയക്കുഴപ്പം പരത്താനാണെന്ന് സി.പി.ഐ.എം പോളിറ്റ് ബ്യൂറോ അംഗം എം.എ. ബേബി. ഇന്ത്യയിലെ സംസ്ഥാനങ്ങളേക്കാൾ കൂടുതൽ വിദേശയാത്രകൾ നടത്തിയ ആളാണ് പ്രധാനമന്ത്രി നരേന്ദ്ര മോദിയെന്നും മണിപ്പൂർ കത്തിയെരിഞ്ഞപ്പോൾ തിരിഞ്ഞുനോക്കാത്തവരാണ് ഇപ്പോൾ വിവാദങ്ങൾ ഉയർത്തുന്നതെന്നും അദ്ദേഹം കുറ്റപ്പെടുത്തി.
ഡൽഹിയിലെ പ്രക്ഷോഭങ്ങൾക്ക് ശേഷം തിരുവനന്തപുരത്തെത്തിയ അദ്ദേഹം മാധ്യമങ്ങളോട് സംസാരിക്കുകയായിരുന്നു. തിരഞ്ഞെടുപ്പ് കമ്മീഷൻ അംഗങ്ങൾക്ക് കേസിൽപ്പെടാത്ത വിധം ആജീവനാന്ത സംരക്ഷണമാണ് കേന്ദ്രസർക്കാർ ഉറപ്പാക്കിയിരിക്കുന്നതെന്ന് അദ്ദേഹം വിമർശിച്ചു. സി.ജെ.പി സ്ഥാപകൻ അഭിജീത് ദീപ്‌കെ സമരത്തിൽ നിന്ന് പിന്മാറിയെന്ന പ്രചാരണം തെറ്റാണെന്നും, കേന്ദ്രത്തിന്റെ ജനവിരുദ്ധ നയങ്ങൾക്കെതിരെ ഡൽഹിയിലടക്കം ഇടതുപക്ഷം ശക്തമായ സമരങ്ങൾ സംഘടിപ്പിക്കുമെന്നും എം.എ. ബേബി വ്യക്തമാക്കി.
'നിലവില്‍ നടന്നുകൊണ്ടിരിക്കുന്ന സമരത്തിന് ഏതെങ്കിലും തരത്തിലുള്ള പ്രശ്നങ്ങള്‍ ഉണ്ടാക്കുന്ന രീതിയില്‍ ഇപ്പോള്‍ പ്രതികരിക്കാന്‍ ആഗ്രഹിക്കുന്നില്ല. സ്വന്തം രാജ്യത്തെ വിവിധ സംസ്ഥാനങ്ങള്‍ സന്ദര്‍ശിച്ചതിലും കൂടുതല്‍ തവണ വിദേശരാജ്യങ്ങള്‍ ചുറ്റിക്കണ്ട വ്യക്തിയാണ് പ്രധാനമന്ത്രി മോദി. മണിപ്പൂര്‍ ഉള്‍പ്പെടെയുള്ള പ്രദേശങ്ങള്‍ അശാന്തിയില്‍ കത്തിയെരിഞ്ഞപ്പോള്‍ തിരിഞ്ഞുനോക്കാത്തവരാണ്, ഇപ്പോള്‍ അനാവശ്യ കാര്യങ്ങള്‍ പറഞ്ഞ് ജനങ്ങളില്‍ സംശയവും ആശയക്കുഴപ്പവും സൃഷ്ടിക്കാന്‍ ശ്രമിക്കുന്നത്,' അദ്ദേഹം പറഞ്ഞു.
തെരഞ്ഞെടുപ്പ് കമീഷന്‍ അംഗങ്ങള്‍ ഉള്‍പ്പെടെയുള്ളവര്‍ക്ക് ഏതൊരു കേസുകളിലും പെടാത്ത വിധത്തില്‍ ആജീവനാന്ത സംരക്ഷണമാണ് കേന്ദ്രസര്‍ക്കാര്‍ ഉറപ്പാക്കിയിരിക്കുന്നത്. രാജ്യത്തെ രാഷ്ട്രപതിക്കും ഗവര്‍ണര്‍മാര്‍ക്കും പോലും പദവിയിലിരിക്കുന്ന സമയത്തുമാത്രം ലഭിക്കുന്ന ഇളവുകളാണ് ഇവിടെ കമ്മീഷന് നല്‍കിയിരിക്കുന്നത്. സമരത്തില്‍ നിന്ന് സിപിഎം പിന്‍വാങ്ങുന്നുവെന്ന തരത്തിലുള്ള പ്രചാരണങ്ങള്‍ കള്ളമാണ്. കേന്ദ്ര സര്‍ക്കാരിന്റെ ജനവിരുദ്ധ നയങ്ങള്‍ക്കെതിരെ ഡല്‍ഹി ഉള്‍പ്പെടെയുള്ള സ്ഥലങ്ങളില്‍ ഇടതുപക്ഷവും സഖാക്കളും ശക്തമായ സമരങ്ങള്‍ സംഘടിപ്പിച്ചിട്ടുണ്ടെന്നും മുന്‍ മുഖ്യമന്ത്രിമാരായ പിണറായി വിജയന്‍, വി.എസ് അച്ഛ്യുതാനന്ദന്‍ തുടങ്ങിവര്‍ സമരത്തിന്റെ ഭാഗമായിട്ടുണ്ടെന്നും എം.എ ബേബി പറഞ്ഞു.