പാലക്കാട്ടെ യുവാവിന്റെ ആത്മഹത്യ; ഭാര്യയും ആൺസുഹൃത്തും പിന്നിൽ എന്നാരോപണം

പാലക്കാട് കുഴൽമന്ദം സ്വദേശി മനോജ് കുമാർ (40) ആത്മഹത്യ ചെയ്ത സംഭവത്തിൽ ദുരൂഹതയെന്ന് കുടുംബം. ആത്മഹത്യകുറിപ്പിൽ മനോജിന്റെ ഭാര്യയുടെയും ആൺസുഹൃത്തിന്റെയും പേരുണ്ടെന്നും കുടുംബം ആരോപിച്ചു.
ഭാര്യയും ആൺസുഹൃത്തും ചേർന്ന് നിരന്തരം പണം ആവശ്യപ്പെട്ട് ഭീഷണിപ്പെടുത്തിയിരുന്നുവെന്നും കുടുംബം പറഞ്ഞു.

കുഴൽമന്ദം മഹാത്മാഗാന്ധി സർവീസ് സഹകരണ സംഘത്തിലാണ് മരിച്ചയാളുടെ ഭാര്യ ജോലി ചെയ്യുന്നത്. സംഘം പ്രസിഡന്റ്‌റ് വിജീഷ് സഹദേവനും മരിച്ച മനോജ്കുമാറിന്റെ ഭാര്യ ചിത്രയും തമ്മിൽ സൗഹൃദമായിരുന്നു. വിവാഹമോചനത്തിനായി മനോജ്കുമാറിനെ നിരന്തരം പണം ആവശ്യപ്പെട്ട് ഭീഷണിപ്പെടുത്തിയിരുന്നതായും കുടുംബം പറഞ്ഞു.

തിങ്കളാഴ്ച വൈകീട്ട് വിഷം കഴിച്ച മനോജ്കുമാർ ആശുപത്രിയിൽ ചികിത്സയിലിരിക്കെ ഇന്നലെ രാവിലെയാണ് മരിച്ചത്. മകളെ നോക്കണമെന്നും ശേഷക്രിയ മകളെ കൊണ്ട് ചെയ്യിപ്പിക്കണമെന്നും മനോജ് അമ്മയ്ക്ക് അയച്ച ഓഡിയോ സന്ദേശത്തിൽ പറയുന്നതായിയും കുടുംബം പറഞ്ഞു.