കോഴിക്കോട് മെഡിക്കൽ കോളജിലും കോട്ടപ്പറമ്പ് സർക്കാർ ആശുപത്രിയിലും നിരവധി ഒഴിവുകൾ

കോഴിക്കോട് ഗവ. മെഡിക്കൽ കോളജ് മാതൃ-ശിശു സംരക്ഷണ കേന്ദ്രം , കോഴിക്കോട് സ്ത്രീകളുടെയും കുട്ടികളുടെയും കോട്ടപ്പറമ്പ് സർക്കാർ ആശുപത്രി എന്നിവിടങ്ങളിൽ നിരവധി തസ്തികകളിലേക്ക് താൽക്കാലിക അടിസ്ഥാനത്തിൽ നിയമനം നടത്തുന്നു. താല്പര്യമുള്ള യോഗ്യരായ ഉദ്യോഗാർത്ഥികൾക്ക് നേരിട്ട് അഭിമുഖത്തിൽ (Walk-in Interview) പങ്കെടുക്കാവുന്നതാണ്.

ജെനിറ്റിക് കൗൺസലർ (കോഴിക്കോട് ഐ.എം.സി.എച്ച്)

കോഴിക്കോട് ഗവ. മെഡിക്കൽ കോളജ് മാതൃ-ശിശു സംരക്ഷണ കേന്ദ്രം എച്ച്.ഡി.എസിന് കീഴിൽ ആഴ്ചയിൽ രണ്ടുദിവസത്തെ സേവനത്തിനായാണ് ജെനിറ്റിക് കൗൺസലറെ നിയമിക്കുന്നത്.

ആവശ്യമായ യോഗ്യത: ജെനിറ്റിക് എൻജിനീയറിങ്ങിൽ ബി.ടെക് ബിരുദം, ഒപ്പം ജനിറ്റിക് കൗൺസലിങ്ങിൽ കുറഞ്ഞത് ഒരു വർഷത്തെ പ്രവൃത്തി പരിചയം ഉണ്ടായിരിക്കണം.

പ്രായപരിധി: 18 മുതൽ 40 വയസ്സ് വരെ.

അഭിമുഖ തീയതിയും സമയവും: 2026 ജൂൺ 24-ന് രാവിലെ 11.30-ന്.

സ്ഥലം: മെഡിക്കൽ കോളജ് ഐ.എം.സി.എച്ച് (IMCH) സൂപ്രണ്ട് ഓഫീസ്. യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം ഉദ്യോഗാർത്ഥികൾ എത്തേണ്ടതാണ്.

ഡാറ്റാ എൻട്രി ഓപ്പറേറ്റർ (സ്ത്രീകളുടെയും കുട്ടികളുടെയും സർക്കാർ ആശുപത്രി)

കോഴിക്കോട് സ്ത്രീകളുടെയും കുട്ടികളുടെയും സർക്കാർ ആശുപത്രിയിൽ 179 ദിവസത്തെ കാലാവധിയിലേക്കാണ് ഡാറ്റാ എൻട്രി ഓപ്പറേറ്റർമാരെ തെരഞ്ഞെടുക്കുന്നത്.

ആവശ്യമായ യോഗ്യത: ഡിഗ്രി / പ്രീഡിഗ്രി / പ്ലസ്ടു പാസ്സായിരിക്കണം. ഇതോടൊപ്പം ഡിസിഎ (DCA) അല്ലെങ്കിൽ പി.ജി.ഡി.സി.എ (PGDCA) സർട്ടിഫിക്കറ്റും ഡാറ്റാ എൻട്രി മേഖലയിൽ രണ്ട് വർഷത്തെ പ്രവൃത്തി പരിചയവും നിർബന്ധമാണ്.

അഭിമുഖ തീയതിയും സമയവും: 2026 ജൂൺ 26-ന് രാവിലെ 11.00-ന്.

സ്ഥലം: ആശുപത്രി കോൺഫറൻസ് ഹാൾ.

ശ്രദ്ധിക്കേണ്ട കാര്യങ്ങൾ: പൂരിപ്പിച്ച അപേക്ഷ, ഫോട്ടോ പതിച്ച ബയോഡേറ്റ,

സർട്ടിഫിക്കറ്റുകൾ, ആധാർ കാർഡ്, ജനനതീയതിയും പ്രായവും തെളിയിക്കുന്ന രേഖകൾ എന്നിവയുടെ അസ്സലും പകർപ്പും സഹിതം അന്ന് രാവിലെ 10.00 മണിക്ക് മുൻപായി ആശുപത്രിയിൽ റിപ്പോർട്ട് ചെയ്യണം. കൂടുതൽ വിവരങ്ങൾക്ക് ബന്ധപ്പെടേണ്ട ഫോൺ നമ്പർ: 0495 - 2721998.

ഡാറ്റാ എൻട്രി ഓപ്പറേറ്റർ - ദിവസവേതന അടിസ്ഥാനത്തിൽ (ഐ.എം.സി.എച്ച്)

കോഴിക്കോട് ഗവ. മെഡിക്കൽ കോളേജ് മാതൃശിശു സംരക്ഷണ കേന്ദ്രം എച്ച്.ഡി.എസിന് കീഴിൽ ദിവസവേതന അടിസ്ഥാനത്തിലാണ് ഈ നിയമനം നടക്കുന്നത്.

ആവശ്യമായ യോഗ്യത: ബി.കോം (B.Com) ബിരുദവും ഒപ്പം പി.ജി.ഡി.സി.എ (PGDCA) കമ്പ്യൂട്ടർ യോഗ്യതയും ഉണ്ടായിരിക്കണം.

പ്രായപരിധി: 25 മുതൽ 50 വയസ്സ് വരെ.

അഭിമുഖ തീയതിയും സമയവും: 2026 ജൂൺ 30-ന് രാവിലെ 11.30-ന്.

സ്ഥലം: ഐ.എം.സി.എച്ച് (IMCH) സൂപ്രണ്ട് ഓഫീസ്. വയസ്സ്, യോഗ്യത എന്നിവ തെളിയിക്കുന്ന എല്ലാ അസ്സൽ സർട്ടിഫിക്കറ്റുകളും അഭിമുഖ സമയത്ത് ഹാജരാക്കേണ്ടതാണ്