മാതാവിന് സ്വർണ്ണ കിരീടം നൽകും,അരമനകൾ തോറും കേക്കുമായി കയറിയിറങ്ങും, ഉള്ളിലിരിപ്പ് വേറെയാണ്: ജോൺ ബ്രിട്ടാസ്

കന്യാസ്ത്രീകളുടെ അറസ്റ്റുമായി ബന്ധപ്പെട്ട സംഭവത്തിൽ പ്രതിഷേധവുമായി മുന്നോട്ടു പോകാനാണ് തീരുമാനം എന്ന് ജോൺ ബ്രിട്ടാസ് എംപി.സിബിസിഐക്ക് എന്ത് സഹായവും നൽകാൻ തയ്യാറാണെന്നും ഇത് ഒറ്റപ്പെട്ട സംഭവമല്ല,ക്രൈസ്തവർക്കെതിരായ അക്രമ പരമ്പരയിലെ ഒരു കണ്ണി മാത്രം എന്നും അദ്ദേഹം പറഞ്ഞു.

കന്യാസ്ത്രീയുടെ കുടുംബവുമായി സംസാരിച്ചു.പൊലീസ് അക്രമകാരികളുടെ പക്ഷം പിടിച്ചു.ഒരു രാജ്യത്തിന്റെ ഭരണഘടന അനുശാസിക്കുന്ന അവകാശങ്ങളാണ് നിഷേധിക്കപ്പെട്ടത്. രേഖകൾ മുഴുവൻ നൽകി.താണു കേണപേക്ഷിച്ചു. വിഷയത്തിൽ അടിയന്തരമായി നടപടി വേണം. ബിജെപി നിലപാട് പറയണം. അരമനകൾ തോറും കേക്കുമായി കയറിയിറങ്ങുന്നു മാതാവിന് സ്വർണ്ണ കിരീടം നൽകുന്നു. ഇവരുടെ ഉള്ളിലിരുപ്പാണ് ഇപ്പോൾ പുറത്തുവന്നത് എന്നും ജോൺ ബ്രിട്ടാസ് പറഞ്ഞു.

സംഭവത്തിൽ പ്രതിപക്ഷ അംഗങ്ങൾ ഇരുസഭകളലും പ്രപതിഷേധം നടത്തി. നടുത്തളത്തിൽ ഇറങ്ങി അംഗങ്ങൾ ബഹളം ഉണ്ടാക്കിയതോടെ ഇരു സഭകളും നിർത്തിവെച്ചിരിക്കുകയാണ്. ഛത്തീസ്?ഗഡിൽ മതപരിവർത്തനം ആരോപിച്ചാണ് മലയാളി കന്യാസ്ത്രീകളെ അറസ്റ്റ് ചെയ്തത്. സംഭവത്തിൽ പ്രതിഷേധം ശക്തമാകുകയണ്. കേസ് കെട്ടിച്ചമച്ചതാണെന്നാണ് പ്രതിപക്ഷം പറയുന്നത്.