മുഖ്യമന്ത്രി സ്ഥാനത്തേക്ക് രഹസ്യ ഫോര്മുല നല്കി: കെ സുധാകരന്
May 7, 2026, 14:08 IST
കോണ്ഗ്രസില് ഒരു സതീശന് മാത്രമല്ല, ഒരുപാട് സതീശന്മാരുണ്ടെന്ന് മുന് കെപിസിസി പ്രസിഡന്റ് കെ സുധാകരന്. വാര്ത്താ ഏജന്സിയായ എഎന്ഐയ്ക്ക് നല്കിയ പ്രതികരണത്തിലാണ് സുധാകരന് ഇങ്ങനെ പറഞ്ഞത്. മുഖ്യമന്ത്രി സ്ഥാനത്തേക്ക് ഒരു വ്യക്തിയുടെ പേരല്ല, ഒരു ഫോര്മുലയാണ് താന് നിര്ദേശിച്ചത്. അതു പുറത്തു പറയാന് കഴിയില്ല. അത് രഹസ്യമാണെന്ന് കെ സുധാകരന് പറഞ്ഞു.ഒരു വി ഡി സതീശന് മാത്രമല്ല, നിരവധി സതീശന്മാര് കോണ്ഗ്രസിലുണ്ട്. ഇന്ത്യന് നാഷണല് കോണ്ഗ്രസ് നിരവധി നേതാക്കന്മാരുള്ള പാര്ട്ടിയാണ്. കഴിവുള്ള നിരവധി നേതാക്കന്മാരാണ് പാര്ട്ടിക്കുള്ളത്. ഒരു പാര്ട്ടിയുടെ ഏറ്റവും വലിയ രാഷ്ട്രീയ അസ്തിത്വമാണ് എംഎല്എമാര്. അവരുടെ പിന്തുണയില്ലാതെ പാര്ട്ടിക്ക് മുന്നോട്ടുപോകാന് പറ്റില്ല. അപ്പോള് അവര് നമ്മളെ താങ്ങണം. അവര് താങ്ങും. കെ സുധാകരന് പറഞ്ഞു.