തിരഞ്ഞെടുപ്പില് 'ഇൻഡ്യ സഖ്യം' വിജയിച്ചാല് പാകിസ്താനില് പടക്കം പൊട്ടും; അമിത് ഷാ
പൗരത്വ ഭേദഗതി നിയമം പിൻവലിക്കാൻ പ്രതിപക്ഷത്തെ വെല്ലുവിളിച്ച് കേന്ദ്ര ആഭ്യന്തര മന്ത്രി അമിത് ഷാ. ഉത്തർപ്രദേശിലെ ലക്കിംപൂരിൽ പൊതുപരിപാടിയിൽ സംസാരിക്കുകയായിരുന്നു അമിത് ഷാ. തിരഞ്ഞെടുപ്പില് ഇൻഡ്യ സഖ്യം വിജയിച്ചാല് പാകിസ്താനില് പടക്കം പൊട്ടും. ബിജെപിക്ക് വോട്ടുബാങ്കില് ഭയമില്ലെന്നും അമിത് ഷാ പറഞ്ഞു.
രാഹുൽ ഗാന്ധിയുടെ നാനിക്ക് പോലും, അവർ ഉയിർത്തെഴുന്നേറ്റ് വന്നാൽ, സിഎഎ റദ്ദാക്കാനാവില്ല. പാകിസ്താനിൽ നിന്നും ബംഗ്ലാദേശിൽ നിന്നും എത്തിയ ന്യൂനപക്ഷങ്ങൾക്ക് പ്രധാനമന്ത്രി നരേന്ദ്രമോദിയുടെ നേതൃത്വത്തിൽ പൗരത്വം നൽകുക തന്നെ ചെയ്യും. '-തിരഞ്ഞെടുപ്പ് പ്രചാരണ റാലിയിൽ അമിത് ഷാ പറഞ്ഞു.
രാഹുൽ ഗാന്ധി റായ്ബറേലിയിൽ പരാജയപ്പെടുമെന്നും അതിനു ശേഷം ഇറ്റലിയിൽ സ്ഥിരതാമസമാക്കണമെന്നും അമിത് ഷാ പരിഹസിച്ചു. പാകിസ്താന്റെ അജണ്ടകളാണ് രാഹുൽ മുന്നോട്ടുവെക്കുന്നതെന്നും വോട്ടുബാങ്കിനെ ഭയന്നാണ് പ്രതിപക്ഷനേതാക്കള് രാമക്ഷേത്ര പ്രതിഷ്ഠാചടങ്ങില് പങ്കെടുക്കാതിരുന്നത്.