ഇന്ത്യയുടെ ഐ.എസ്.ആർ.ഒ.യും അമേരിക്കയുടെ നാസയും സംയുക്തമായി വികസിപ്പിച്ചെടുത്ത നിസാർ (NISAR) ഉപഗ്രഹം വിജയകരമായി ഭ്രമണപഥത്തിലെത്തി. ശ്രീഹരിക്കോട്ടയിലെ സതീഷ് ധവാൻ ബഹിരാകാശ കേന്ദ്രത്തിൽ നിന്ന് വൈകിട്ട് 5.40-ന് വിക്ഷേപിച്ച ഉപഗ്രഹം, ഇന്ത്യയുടെ ജി.എസ്.എൽ.വി.-എഫ്16 റോക്കറ്റിലാണ് കുതിച്ചുയർന്നത്. വിക്ഷേപണം പൂർണ വിജയകരമാണെന്ന് ഐ.എസ്.ആർ.ഒ. അറിയിച്ചു.

നാസ-ഐ.എസ്.ആർ.ഒ. സിന്തറ്റിക് അപ്പർച്ചർ റഡാർ (NISAR) എന്ന ഈ ഉപഗ്രഹം, കാലാവസ്ഥാ വ്യതിയാനങ്ങൾ, പ്രകൃതി ദുരന്തങ്ങൾ എന്നിവയുടെ ആഗോള നിരീക്ഷണത്തിനായാണ് രൂപകൽപ്പന ചെയ്തിരിക്കുന്നത്. നാസയുമായി സഹകരിച്ച് ഐ.എസ്.ആർ.ഒ. നിർമ്മിച്ച ആദ്യത്തെ റഡാർ ഇമേജിംഗ് ഉപഗ്രഹം കൂടിയാണ് ഇത്. ഭൂമിയിൽ നിന്ന് 743 കിലോമീറ്റർ അകലെയുള്ള സൗര-സ്ഥിര ഭ്രമണപഥത്തിലൂടെയായിരിക്കും നിസാർ ഭൂമിയെ ചുറ്റുക.

ഭൂമിയുടെ ഉപരിതലത്തിലെ ഏറ്റവും ചെറിയ മാറ്റങ്ങൾ പോലും നിരീക്ഷിക്കാൻ കഴിവുള്ള സാങ്കേതിക വിദ്യയാണ് നിസാറിലുള്ളത്. നാസയുടെ എൽ-ബാൻഡും ഐ.എസ്.ആർ.ഒ. വികസിപ്പിച്ചെടുത്ത എസ്-ബാൻഡും അടിസ്ഥാനമാക്കിയാണ് ഇത് പ്രവർത്തിക്കുന്നത്. ഈ രണ്ട് ബാൻഡുകളും ഒരുമിച്ച് ഉപയോഗിക്കുന്ന ലോകത്തിലെ ആദ്യത്തെ റഡാർ ഇമേജിങ് ഉപഗ്രഹം കൂടിയാണ് നിസാർ എന്ന് ബഹിരാകാശ ഏജൻസികൾ വ്യക്തമാക്കി.

ഏകദേശം 150 കോടി ഡോളറാണ് (ഏകദേശം 12,500 കോടി രൂപ) ഈ ദൗത്യത്തിന്റെ ആകെ ചെലവ്. ലോകത്തിലെ തന്നെ ഏറ്റവും ചെലവേറിയ ബഹിരാകാശ ദൗത്യങ്ങളിലൊന്ന് എന്ന നിലയിലും നിസാറി