നവജാതശിശുവിനെ എറിഞ്ഞുകൊന്ന സംഭവം: യുവതിയുടെ ആൺ സുഹൃത്തിനെതിരെ കേസ്
May 16, 2024, 12:24 IST
പനമ്പള്ളി നഗറില് യുവതി നവജാതശിശുവിനെ എറിഞ്ഞുകൊന്ന സംഭവത്തില് യുവതിയുടെ സുഹൃത്തിനെതിരെ പൊലീസ് കേസെടുത്തു. യുവതിയുടെ ആണ് സുഹൃത്ത് തൃശ്ശൂര് സ്വദേശി റഫീക്കിനെതിരെയാണ് പൊലീസ് കേസെടുത്തത്. യുവതിയെ വിവാഹ വാഗ്ദാനം നല്കി ലൈംഗികമായി പീഡിപ്പിച്ചതിനാണ് കേസ്. കുഞ്ഞിനെ കൊന്നത് ശ്വാസം മുട്ടിച്ചെന്ന് യുവതി നേരത്തെ മൊഴി നല്കിയിട്ടുണ്ട്. കുഞ്ഞ് കരഞ്ഞാല് പുറത്ത് കേള്ക്കാതിരിക്കാന് വായില് തുണി തിരുകിയിരുന്നു.
എട്ട് മണിയോടെ അമ്മ വാതിലില് മുട്ടിയപ്പോള് പരിഭ്രാന്തിയിലായി. കയ്യില് കിട്ടിയ കവറില് പൊതിഞ്ഞ് കുഞ്ഞിനെ താഴേക്ക് വലിച്ചെറിയുകയായിരുന്നു. ഭയന്ന് ആത്മഹത്യക്ക് ശ്രമിച്ചെന്നും യുവതി പൊലീസിന് മൊഴി നല്കിയിരുന്നു.