തൃശൂർ പൂരത്തിനിടെ യുട്യൂബറെ കടന്നുപിടിച്ച സംഭവം; 58കാരൻ അറസ്റ്റിൽ
May 16, 2024, 08:55 IST
വിദേശ വനിതയെ തൃശൂർ പൂരത്തിനിടെ അപമാനിച്ച സംഭവത്തിൽ ഇൻസ്റ്റഗ്രാം വിഡിയോയുടെ അടിസ്ഥാനത്തിൽ പ്രതിയെ പൊലീസ് പിടികൂടി. ആലത്തൂർ എരുമയൂർ മാധവ നിവാസിൽ സുരേഷ് കുമാറിനെ (മാധവൻ നായർ -58) ഈസ്റ്റ് പൊലീസ് ആലത്തൂരിൽ നിന്നു
പൂരത്തിൽ പങ്കെടുക്കുന്നതിനിടെ തനിക്കുണ്ടായ മോശം അനുഭവം വിദേശ വനിത വിഡിയോ സഹിതം തന്റെ ഇൻസ്റ്റഗ്രാം അക്കൗണ്ടിൽ പങ്കുവച്ചിരുന്നു. ശ്രീമൂലസ്ഥാനത്ത് ആളുകളുടെ പ്രതികരണം തേടുന്നതിനിടെ ഒരാൾ കടന്നു പിടിക്കുന്നതായിരുന്നു വിഡിയോ.
2024 ഏറ്റവും മികച്ച അനുഭവമായി യുവാക്കൾ പാട്ടു പാടുന്നതിന്റെ വിഡിയോയും ഏറ്റവും മോശം അനുഭവമായി ഈ വിഡിയോയുമാണ് ഇൻസ്റ്റഗ്രാമിൽ ഇവർ പോസ്റ്റ് ചെയ്തത്.