എസ്.എഫ്.ഐ.ഒ അന്വേഷണം സ്റ്റേ ചെയ്യണം; കർണാടക ഹൈക്കോടതിയിൽ എക്സാലോജികിന്റെ ഹർജി
Updated: Feb 8, 2024, 17:19 IST
എസ്എഫ്ഐഒ അന്വേഷണത്തിനെതിരെ വീണ വിജയന്റെ കമ്പനിയായ എക്സാലോജിക്. എക്സാലോജികിനെതിരായ എസ്എഫ്ഐഒ അന്വേഷണം സ്റ്റേ ചെയ്യണമെന്നാവശ്യപ്പെട്ട് കര്ണാടക ഹൈക്കോടതിയില് ഹര്ജി നല്കി. കേന്ദ്ര സര്ക്കാരും എസ്എഫ്ഐഒ ഡയറക്ടറുമാണ് ഹര്ജിയിലെ എതിര്കക്ഷികള്. മനു പ്രഭാകര് കുല്ക്കര്ണിയെന്ന അഭിഭാഷകൻ മുഖേനയാണ് ഹര്ജി നല്കിയത്.
അന്വേഷണത്തിന്റെ ഭാഗമായി വിവിധയിടങ്ങളില് പരിശോധന നടത്തി വിവരങ്ങള് തേടുകയാണ് എസ്എഫ്ഐഒ സംഘം. അന്വേഷണത്തില് എക്സാലോജിക്കില്നിന്ന് വിവരങ്ങള് തേടുന്നതിനായി വീണ വിജയന് നോട്ടീസ് നല്കുമെന്ന റിപ്പോര്ട്ടുകള്ക്കിടെയാണ് സ്റ്റേ ആവശ്യപ്പെട്ടുള്ള എക്സാലോജിക്കിന്റെ ഹര്ജി.