ദുവയ്ക്ക് കൂട്ടായി കുഞ്ഞനുജത്തി എത്തി; പെൺകുഞ്ഞിന് ജന്മം നൽകി ദീപിക പദുക്കോൺ

ബോളിവുഡ് താരദമ്പതികളായ ദീപിക പദുക്കോണിനും രൺവീർ സിങ്ങിനും രണ്ടാമതും പെൺകുഞ്ഞ് പിറന്നു. സോഷ്യൽ മീഡിയയിലൂടെ പങ്കുവെച്ച സംയുക്ത കുറിപ്പിലൂടെയാണ് രണ്ടാമത്തെ കുഞ്ഞിന്റെ വരവ് ഇരുവരും ആരാധകരെ അറിയിച്ചത്. കുഞ്ഞിന്റെ കാൽപാദത്തിന്റെ ചിത്രം പങ്കുവെച്ചുകൊണ്ട് 'വെൽക്കം ബേബി ഗേൾ' എന്ന് കുറിച്ചാണ് സന്തോഷവാർത്ത പങ്കിട്ടത്.

മൂത്ത മകൾ ദുവയെപ്പോലെ തന്നെ രണ്ടാമത്തെ കുഞ്ഞും സെപ്റ്റംബറിലാണ് ജനിച്ചിരിക്കുന്നത്. 2024 സെപ്റ്റംബറിലായിരുന്നു ദുവയുടെ ജനനം. കുഞ്ഞിന്റെ വരവിൽ ആശംസകളുമായി സിനിമാ മേഖലയിൽ നിന്നും ആരാധകരിൽ നിന്നും വൻ പ്രതികരണമാണ് ലഭിക്കുന്നത്. കൃതി സനോൺ, ഡയാന പെന്റി, അനിൽ കപൂർ, സോനം കപൂർ, ശ്രേയ ഘോഷാൽ തുടങ്ങിയ നിരവധി പ്രമുഖർ ദമ്പതികൾക്ക് ആശംസകൾ അറിയിച്ചു.