ഞാനവരെ ആന്റിഎന്ന് വിളിക്കേണ്ടേ എന്ന് സോനം; സോനം കപുറിനെ ആന്റി എന്നു വിളിച്ച് പഞ്ഞിക്കിട്ട് നാട്ടുകാർ
ലോകം അദ്ഭുതത്തോടെ നോക്കുന്ന താരസുന്ദരിയാണ് ഐശ്വര്യ റായ്. അന്താരാഷ്ട്ര വേദികളിൽ ഐശ്വര്യയെത്തുമ്പോൾ വലിയ സ്വീകാര്യതയാണ് ലഭിക്കാറുള്ളത്. സൗന്ദര്യം കൊണ്ട് ഇത്രമാത്രം സ്വാധീനമുണ്ടാക്കിയ മറ്റൊരു നടി ഇന്ത്യയിൽ ഇല്ല. 50ാം വയസിലും ഐശ്വര്യയുടെ താരമൂല്യത്തിന് ഇടിവില്ല. വല്ലപ്പോഴുമാണ് സിനിമകൾ ചെയ്യുന്നതെങ്കിലും തന്റേതായ സ്ഥാനം ഐശ്വര്യയ്ക്ക് പ്രേക്ഷകർക്കിടയിലുണ്ട്.
ഇപ്പോഴിതാ നടി സോനം കപുർ ഒരിക്കൽ ഐശ്വര്യയെക്കുറിച്ച് നടത്തിയ വിവാദ പരാമർശമാണ് ചർച്ചയാകുന്നത്. ഒരിക്കൽ ഐശ്വര്യ റായിക്കു കിട്ടിയിരുന്ന പരസ്യങ്ങളുടെ ബ്രാൻഡുകൾ സോനം കപൂറിനെ തെരഞ്ഞെടുത്തു. ഐശ്വര്യ ബ്രാൻഡുകളുമായുള്ള കരാറിൽനിന്ന് പിന്മാറിയ ശേഷമാണ് സോനത്തെ തെരഞ്ഞെടുത്തതെന്നും വാദമുണ്ട്. ഐശ്വര്യ പോലൊരു താരത്തിന് പകരം സോനം എത്തിയത് ചർച്ചയായി. അന്ന് സോനത്തോട് ഇതേക്കുറിച്ച് ചോദ്യം വന്നു.
ഐഷ് എന്റെ അച്ഛനൊപ്പം വർക്ക് ചെയ്തിട്ടുണ്ട്. അതുകൊണ്ട് ഞാനവരെ ആന്റിഎന്ന് വിളിക്കേണ്ടേ എന്നാണ് സോനം മീഡിയകളോട് മറുപടി പറഞ്ഞത്. ഈ പരാമർശം അന്ന് വലിയ വിവാദമായി. പക്ഷേ ഐശ്വര്യ പക്ഷെ ഇതൊന്നും കാര്യമാക്കിയില്ല. കഴിഞ്ഞ ദിവസമാണ് സോനത്തിന് 39 വയസ് പൂർത്തിയായത്. ഈ സാഹചര്യത്തിൽ സോനത്തിന്റെ വാക്കുകൾ വീണ്ടും ചർച്ചയാവുകയാണ്. ഈ പ്രായത്തിൽ ആരെങ്കിലും ആന്റി എന്ന് വിളിച്ചാൽ സോനത്തിന് എന്ത് തോന്നും എന്നാണ് പലരുടെയും ചോദ്യം. ഹാപ്പി ബർത്ത് ഡേ സോനം ആന്റി എന്നാണ് നിരവധി പേർ കമന്റ് ചെയ്തിരിക്കുന്നത്.
മുമ്പും വിവാദമായ പല പ്രസ്താവനകളും നടൻ അനിൽ കപൂറിന്റെ മകളായ സോനം നടത്തിയിട്ടുണ്ട്. സാവരിയ എന്ന സിനിമയിലൂടെ അഭിനയ രംഗത്തേക്ക് കടന്ന് വന്ന നടി പെട്ടെന്ന് തന്നെ ശ്രദ്ധ നേടി. ബോളിവുഡിലെ തുടക്ക കാലത്ത് വിവാദ പരാമർശങ്ങൾ നടത്തിയെങ്കിലും പിന്നീട് വിവാദങ്ങളിൽ നിന്ന് മാറി നിൽക്കാൻ സോനം ശ്രമിച്ചു. വിവാഹശേഷം അഭിനയത്തിൽ സജീവമല്ല താരം.