മൂന്ന് 200 കോടി ക്ലബ് ചിത്രങ്ങൾ; ദീപികയ്ക്കും ആലിയയ്ക്കും ഒപ്പമെത്തി മമിത ബൈജു

ഒരു കലണ്ടർ വർഷത്തിൽ 200 കോടി രൂപയിലധികം കളക്ഷൻ നേടിയ മൂന്ന് ചിത്രങ്ങളുടെ ഭാഗമായി ചരിത്രനേട്ടം സ്വന്തമാക്കി നടി മമിത ബൈജു. ബോളിവുഡ് താരങ്ങളായ ദീപിക പദുകോണിനും ആലിയ ഭട്ടിനും ശേഷം ഈ അപൂർവ്വ നേട്ടം കൈവരിക്കുന്ന മൂന്നാമത്തെ ഇന്ത്യൻ നടിയാണ് മമിത. വെറും 23 ദിവസങ്ങളുടെ വ്യത്യാസത്തിൽ തിയേറ്ററുകളിലെത്തിയ ചിത്രങ്ങളിലൂടെയാണ് താരം ഈ നേട്ടത്തിലെത്തിയത്.

ജൂലൈ 23-ന് റിലീസ് ചെയ്ത വിജയ് ചിത്രം 'ജനനായകൻ' (324.38 കോടി), സൂര്യയുടെ 'വിശ്വനാഥ് ആന്റ് സൺസ്' (203.26 കോടി), ഓണം റിലീസായെത്തി വൻ വിജയം നേടിയ നിവിൻ പോളി ചിത്രം 'ബെത്‌ലഹേം കുടുംബ യൂണിറ്റ്' (238.05 കോടി) എന്നിവയാണ് മമിതയ്ക്ക് ഈ ഹാട്രിക് വിജയം സമ്മാനിച്ചത്.

2013-ൽ ദീപിക പദുകോണും ('യേ ജവാനി ഹേ ദീവാനി', 'ചെന്നൈ എക്സ്പ്രസ്', 'രാം-ലീല'), 2022-ൽ ആലിയ ഭട്ടും ('ഗംഗുഭായ് കഠിയാവാഡി', 'ആർ.ആർ.ആർ', 'ബ്രഹ്മാസ്ത്ര') ആണ് ഇതിനുമുമ്പ് ഈ നേട്ടം കൈവരിച്ചിട്ടുള്ളത്. വടക്കേ ഇന്ത്യൻ വിപണിയുടെ പിന്തുണയോടെ മുൻനിര നായികമാർ ഈ നേട്ടം കൈവരിച്ചപ്പോൾ, അതത് പ്രാദേശിക വിപണികളിൽ നിന്ന് മാത്രമായി ഈ തുക വാരിക്കൂട്ടി എന്നതാണ് മമിതയുടെ വിജയത്തെ വേറിട്ടു നിർത്തുന്നത്.