യു.എ.ഇയിൽ വരും ദിവസങ്ങളിൽ മേഘാവൃതമായ അന്തരീക്ഷത്തിനും മഴയ്ക്കും സാധ്യത

യു.എ.ഇയിലെ വിവിധ പ്രദേശങ്ങളിൽ വരും ദിവസങ്ങളിൽ മഴയ്ക്ക് സാധ്യതയെന്ന് ദേശീയ കാലാവസ്ഥാ നിരീക്ഷണ കേന്ദ്രത്തിന്റെ (NCM) മുന്നറിയിപ്പ്. നാല് ദിവസത്തോളം രാജ്യം മേഘാവൃതമായ അന്തരീക്ഷത്തിലായിരിക്കുമെന്നും ചിലയിടങ്ങളിൽ ചിതറിയ രീതിയിൽ മഴ ലഭിക്കാൻ സാധ്യതയുണ്ടെന്നും കാലാവസ്ഥാ കേന്ദ്രം വ്യക്തമാക്കി.രാജ്യത്തിന്റെ അന്തരീക്ഷത്തിൽ രൂപപ്പെടുന്ന മേഘാവൃതമായ സാഹചര്യമാണ് മഴയ്ക്ക് കാരണമാകുന്നത്. വരും ദിവസങ്ങളിൽ ആകാശം ഭാഗികമായി മേഘാവൃതമായിരിക്കുമെങ്കിലും, ഒന്നുരണ്ട് ദിവസങ്ങളിൽ മേഘങ്ങളുടെ സാന്നിധ്യം ശക്തമാകാനും ഇത് രാജ്യത്തിന്റെ പല ഭാഗങ്ങളിലും മഴ പെയ്യാൻ ഇടയാക്കുമെന്നും റിപ്പോർട്ടിൽ പറയുന്നു.പ്രധാനമായും യു.എ.ഇയുടെ കിഴക്കൻ, തെക്കൻ പ്രദേശങ്ങളിലാണ് മഴയ്ക്ക് കൂടുതൽ സാധ്യത കൽപ്പിക്കപ്പെടുന്നത്. ഉച്ചയ്ക്ക് ശേഷമായിരിക്കും ഈ പ്രദേശങ്ങളിൽ മേഘങ്ങൾ രൂപപ്പെടാനും തുടർന്ന് ചിതറിയ രീതിയിലുള്ള മഴ പെയ്യാനും സാധ്യത.