സ്വർണവിപണിയിൽ പ്രകടവും ശക്തവുമായ മുന്നേറ്റം തുടരുന്നതോടെ യുഎഇയിലെ റീട്ടെയ്ൽ നിരക്കുകളിൽ വർധന രേഖപ്പെടുത്തി. എന്നാൽ ആഭരണങ്ങൾ വാങ്ങാൻ പദ്ധതിയിടുന്നവർക്കും നിക്ഷേപകർക്കും വിലവർധന തിരിച്ചടിയാകും.

ഇന്ന് രാവിലെ 24 കാരറ്റ് സ്വർണത്തിന് ഗ്രാമിന് 532 ദിർഹമാണ് നിരക്ക്. ബുധനാഴ്ച രേഖപ്പെടുത്തിയ 528.25 ദിർഹത്തിൽ നിന്ന് ഒറ്റദിവസം കൊണ്ട് 3.75 ദിർഹത്തിന്റെ വർധനയുണ്ടായി. 22 കാരറ്റ് സ്വർണവില ഗ്രാമിന് 489.25 ദിർഹത്തിൽ നിന്ന് 3.25 ദിർഹം ഉയർന്ന് 492.50 ദിർഹത്തിലെത്തി. ഈ മാസം ആദ്യം മുതൽ ഘട്ടംഘട്ടമായാണ് യുഎഇ വിപണിയിൽ വില വർധിക്കുന്നത്. സെപ്റ്റംബർ ഒന്നിന് 522 ദിർഹമായിരുന്ന 24 കാരറ്റ് സ്വർണത്തിന് സെപ്റ്റംബർ രണ്ടിന് 528.25 ദിർഹവും സെപ്റ്റംബർ മൂന്നിന് 532 ദിർഹവുമായി ഉയർന്നതോടെ മൂന്നു ദിവസത്തിനിടെ ഗ്രാമിന് 10 ദിർഹത്തിന്റെ വർധന രേഖപ്പെടുത്തി.