ഒമാനിൽ നിന്ന് കേരളത്തിലേക്ക് കൂടുതൽ സർവീസുകൾ; എയർ ഇന്ത്യ എക്‌സ്പ്രസിന്റെ വിന്റർ ഷെഡ്യൂൾ പ്രഖ്യാപിച്ചു

ഒമാനിൽ നിന്ന് കേരളത്തിലേക്ക് കൂടുതൽ സർവീസുകൾ ഉൾപ്പെടുത്തി എയർ ഇന്ത്യ എക്‌സ്പ്രസിന്റെ ഈ വർഷത്തെ ശൈത്യകാല (വിന്റർ) ഷെഡ്യൂൾ പ്രഖ്യാപിച്ചു. 2026 ഒക്ടോബർ 25 മുതൽ 2027 മാർച്ച് 27 വരെയുള്ള സർവീസുകളുടെ പുതിയ സമയക്രമമാണ് എയർലൈൻ പുറത്തുവിട്ടത്. പ്രവാസികൾക്ക് നാട്ടിലേക്കും തിരിച്ചുമുള്ള യാത്രകൾ മുൻകൂട്ടി ആസൂത്രണം ചെയ്യാൻ പുതിയ സമയക്രമം സഹായകരമാകും.

മസ്‌കത്തിൽ നിന്നുള്ള പ്രധാന സർവീസുകൾ:

• തിരുവനന്തപുരം: തിങ്കൾ, ബുധൻ ദിവസങ്ങളിൽ രാത്രി 11.25-ന്.
• കൊച്ചി: തിങ്കൾ, ബുധൻ, വെള്ളി, ഞായർ ദിവസങ്ങളിൽ രാത്രി 10.55-ന് (കൊച്ചിയിൽ നിന്നുള്ള മടക്കയാത്രാ സമയത്തിൽ നവംബറിൽ മാറ്റങ്ങളുണ്ട്).
• കോഴിക്കോട്: ബുധൻ, വെള്ളി, ശനി, ഞായർ ദിവസങ്ങളിൽ ഉച്ചയ്ക്ക് 1.45-ന്.
• കണ്ണൂർ: തിങ്കൾ, ചൊവ്വ, വ്യാഴം, ശനി ദിവസങ്ങളിൽ രാത്രി 8.05-ന്.

സലാലയിൽ നിന്നുള്ള സർവീസുകൾ:

• കോഴിക്കോട്: വ്യാഴം, ഞായർ ദിവസങ്ങളിൽ വൈകിട്ട് 3.00-ന്.
• കൊച്ചി: ബുധൻ, വെള്ളി ദിവസങ്ങളിൽ പുലർച്ചെ 4.40-ന് (തിരികെ കൊച്ചിയിൽ നിന്ന് രാവിലെ 11.15-ന് പുറപ്പെട്ട് ഉച്ചയ്ക്ക് 2.00-ന് സലാലയിലെത്തും).

ശൈത്യകാല ഷെഡ്യൂളിലെ ദിവസങ്ങളിലും സമയങ്ങളിലും മാറ്റങ്ങൾ വരാൻ സാധ്യതയുള്ളതിനാൽ, ടിക്കറ്റ് ബുക്ക് ചെയ്യുന്നതിനും യാത്ര പുറപ്പെടുന്നതിനും മുമ്പായി എയർ ഇന്ത്യ എക്‌സ്പ്രസിന്റെ ഔദ്യോഗിക വെബ്‌സൈറ്റ് പരിശോധിച്ച് സമയം ഉറപ്പാക്കണമെന്ന് അധികൃതർ അഭ്യർത്ഥിച്ചു.