ഒമാൻ-ഇന്ത്യ വിദേശകാര്യ മന്ത്രിമാർ കൂടിക്കാഴ്ച നടത്തി: പ്രാദേശിക സുരക്ഷ പ്രധാന ചർച്ചയായി

ഒമാൻ വിദേശകാര്യ മന്ത്രി സയ്യിദ് ബദർ ബിൻ ഹമദ് അൽ ബുസൈദിയും ഇന്ത്യൻ വിദേശകാര്യ മന്ത്രി ഡോ. എസ്. ജയശങ്കറും തമ്മിൽ ഫിലിപ്പീൻസിലെ മനിലയിൽ വെച്ച് ഉന്നതതല കൂടിക്കാഴ്ച നടത്തി. ഗൾഫ് മേഖലയിലെ നിലവിലെ സംഭവവികാസങ്ങളും പ്രാദേശിക സുരക്ഷയും ഉറപ്പുവരുത്തുന്നതുമായിരുന്നു കൂടിക്കാഴ്ചയിലെ പ്രധാന വിഷയം.

ഗൾഫ് മേഖലയിലെ മാറ്റങ്ങളെക്കുറിച്ചും സുരക്ഷാ സാഹചര്യങ്ങളെക്കുറിച്ചും ഇരു നേതാക്കളും നിർണ്ണായകമായ ആശയങ്ങൾ പങ്കുവെച്ചു. വരാനിരിക്കുന്ന ദിവസങ്ങളിലും കൃത്യമായ ആശയവിനിമയം തുടരുമെന്ന് ഡോ. എസ്. ജയശങ്കർ വ്യക്തമാക്കുകയും ചെയ്തു.

മേഖലയിലെയും സമീപ ജലപാതകളിലെയും തന്ത്രപ്രധാനമായ സുരക്ഷ ഉറപ്പുവരുത്തേണ്ടതിന്റെയും അന്താരാഷ്ട്ര സമുദ്രഗതാഗത പാതകൾ സംരക്ഷിക്കേണ്ടതിന്റെയും പ്രാധാന്യം അദ്ദേഹം ഊന്നിപ്പറഞ്ഞു.