തണുത്തു വിറയ്ക്കാൻ യുഎഇ; താപനില ഇനിയും കുറയും

യുഎഇയിൽ കാലാവസ്ഥയിൽ കാര്യമായ മാറ്റം വരുന്നു. രാജ്യത്തുടനീളം താപനില കുറഞ്ഞ നിലയിൽ തുടരുമെന്നാണ് ദേശീയ കാലാവസ്ഥാ കേന്ദ്രത്തിന്റെ (എൻസിഎം) പ്രവചനം. താപനില ഇനിയും കുറയുമെന്നും മിക്ക പ്രദേശങ്ങളിലും ഭാഗികമായി മേഘാവൃതമായ അന്തരീക്ഷമായിരിക്കുമെന്നും എൻസിഎം അറിയിച്ചു.

പകലും രാത്രിയും തണുക്കും
പകൽ സമയത്തെ ഉയർന്ന താപനില 35° സെൽഷ്യസിനും 31° സെൽഷ്യസിനും ഇടയിലായിരിക്കും. എന്നാൽ രാത്രിയിൽ കുറഞ്ഞ താപനില 15° സെൽഷ്യസ് മുതൽ 19° സെൽഷ്യസ് വരെയായി കുറയും. ഇന്നലെ രാവിലെ 6.:45 ന് മെസൈറയിൽ (അൽ ദഫ്ര പ്രദേശം) 12.1° സെൽഷ്യസ് താപനില രേഖപ്പെടുത്തിയത് ഈ തണുപ്പൻ മാറ്റത്തിന്റെ സൂചനയാണ്.

പൊടിശല്യത്തിന് സാധ്യത
മണിക്കൂറിൽ 10-20 കിലോമീറ്റർ വേഗത്തിൽ നേരിയതോ മിതമായതോ ആയ കാറ്റ് വീശാൻ സാധ്യതയുണ്ട്, ചിലപ്പോൾ ഇത് 35 കിലോമീറ്റർ വരെ എത്താം. ഈ കാറ്റ് പൊടിപടലങ്ങളും മണലും ഉയർത്താൻ സാധ്യതയുള്ളതിനാൽ കാഴ്ചക്കുറവിന് കാരണമായേക്കാം. പൊടിയോട് സംവേദനക്ഷമതയുള്ളവർ പുറത്തുപോകുമ്പോൾ ആവശ്യമായ മുൻകരുതലുകൾ എടുക്കണം.

ഈർപ്പം കൂടാൻ സാധ്യത
ഈർപ്പത്തിന്റെ അളവിൽ വ്യത്യാസമുണ്ടാകും. തീരദേശങ്ങളിൽ 65°സെൽഷ്യസിനും 85° സെൽഷ്യസിനും ഇടയിൽ ഈർപ്പം അനുഭവപ്പെട്ടേക്കാം, അതേസമയം മലയോര പ്രദേശങ്ങളിൽ ഇത് 50°സെൽഷ്യസിനും 70°സെൽഷ്യസിനും ഇടയിലായിരിക്കും. അറേബ്യൻ ഗൾഫിലും മാൻ കടലിലും നേരിയതോ മിതമായതോ ആയ തിരമാലകൾക്ക് സാധ്യതയുണ്ടെങ്കിലും കടൽ സാധാരണ നിലയിൽ തുടരുന്നതിനാൽ കപ്പൽ യാത്രകൾക്കും മറ്റ് സമുദ്ര പ്രവർത്തനങ്ങൾക്കും അനുകൂലമാണ്. ഈ തണുത്ത കാലാവസ്ഥ തുറസ്സായ സ്ഥലങ്ങളിലെ വിനോദങ്ങൾക്കായി കാത്തിരിക്കുന്നവർക്ക് ആശ്വാസമാകും.