നിലമ്പൂർ സ്വദേശിനിയായ ഉംറ തീർത്ഥാടക മക്കയിൽ നിര്യാതയായി

മലപ്പുറം നിലമ്പൂർ മൂത്തേടം വടക്കേ കൈ സ്വദേശിനിയായ ആമിന പാലക്കപ്പറമ്പിൽ (66) മക്കയിൽ വെച്ച് അന്തരിച്ചു. വ്യാഴാഴ്ച രാത്രി മക്കയിലെ താമസസ്ഥലത്ത് വെച്ചായിരുന്നു അന്ത്യം. അൽഅമീൻ ഉംറ ഗ്രൂപ്പിന് കീഴിൽ പത്ത് ദിവസത്തെ തീർത്ഥാടനത്തിനായി എത്തിയതായിരുന്നു ഇവർ.

ഉംറ കർമ്മങ്ങളും മദീന സന്ദർശനവും പൂർത്തിയാക്കി നാട്ടിലേക്ക് മടങ്ങാൻ തയ്യാറെടുക്കുന്നതിനിടെയാണ് അപ്രതീക്ഷിത മരണം സംഭവിച്ചത്. അൻസാർ, ഹസീന, അഫ്സൽ എന്നിവർ മക്കളാണ്. മൃതദേഹം നിലവിൽ മക്ക അൽനൂർ ആശുപത്രിയിൽ സൂക്ഷിച്ചിരിക്കുകയാണ്.

നടപടിക്രമങ്ങൾ പൂർത്തിയാക്കിയ ശേഷം മൃതദേഹം മക്കയിൽ തന്നെ ഖബറടക്കുമെന്ന് ബന്ധപ്പെട്ടവർ അറിയിച്ചു. ഐ.സി.എഫ് (ICF) മക്ക ഹെൽപ്പ് ഡെസ്‌ക് പ്രവർത്തകർ ഇതിനാവശ്യമായ സഹായങ്ങളുമായി രംഗത്തുണ്ട്.