35 വയസ്സിന് മുകളിലുള്ളവർ ആരോഗ്യ പരിശോധന നടത്തണം: നിർദേശവുമായി ഒമാൻ ആരോഗ്യ മന്ത്രാലയം

ഒമാനിൽ 35 വയസ്സിന് മുകളിലുള്ളവർ കൃത്യമായ ഇടവേളകളിൽ ആരോഗ്യ പരിശോധന നടത്തണമെന്ന് ആരോഗ്യ മന്ത്രാലയം നിർദേശിച്ചു. വിട്ടുമാറാത്ത രോഗങ്ങൾ നേരത്തെ കണ്ടെത്തുന്നതിനും സമയബന്ധിതമായി ചികിത്സ ഉറപ്പാക്കുന്നതിനും ഇത്തരം പതിവ് പരിശോധനകൾ സഹായിക്കുമെന്ന് അധികൃതർ വ്യക്തമാക്കി.

സെപ്റ്റംബർ 17-ന് ആചരിക്കുന്ന ലോക രോഗി സുരക്ഷാ ദിനത്തോടനുബന്ധിച്ചാണ് ആരോഗ്യ മന്ത്രാലയം ഈ നിർദേശം നൽകിയത്. ‘ജീവിതകാലം മുഴുവൻ സുരക്ഷിത പരിചരണത്തിലേക്ക്’ എന്ന സന്ദേശവുമായി നടത്തുന്ന ബോധവൽക്കരണ പ്രചാരണത്തിന്റെ ഭാഗമായി, പൊതുജനങ്ങൾ സമീപത്തെ ആരോഗ്യ സ്ഥാപനങ്ങളിലെത്തി പരിശോധന നടത്തണമെന്നും മന്ത്രാലയം ആവശ്യപ്പെട്ടു.