ചെറിയ കുഞ്ഞുങ്ങൾക്ക് നൽകാൻ പാടില്ലാത്ത ചില ഭക്ഷണങ്ങൾ; എന്തൊക്കെയെന്ന് നോക്കാം

ഒന്ന് മുതൽ 3 വയസ് വരെയുള്ള കുട്ടികൾക്ക് ചില ഭക്ഷണങ്ങൾ ഒരിക്കലും കൊടുക്കാൻ പാടില്ല. പുതിയ രുചികൾ പരിചയപ്പെടുന്ന സമയമാണിത്. ആരോഗ്യകരമായ ഭക്ഷണങ്ങളോടുള്ള അഭിരുചി വളർത്തിയെടുക്കാൻ ഈ പ്രായത്തിൽ കഴിയും. കുഞ്ഞുങ്ങൾക്ക് ചെറിയ വയറാണുള്ളത്.

അതിനാൽ ആരോഗ്യകരവും ശക്തവുമായി വളരുന്നതിന് ആവശ്യമായ പോഷകങ്ങൾ അടങ്ങിയ ഭക്ഷണങ്ങൾ നൽകുക. മധുരപലഹാരങ്ങളും ഒഴിഞ്ഞ കലോറികളും ഒഴിവാക്കുക.

സോഡ, ജ്യൂസ് പാനീയങ്ങൾ, സുഗന്ധമുള്ള പാൽ എന്നിവ പോലുള്ള പഞ്ചസാര അടങ്ങിയ പാനീയങ്ങൾ ഒരിക്കലും കുട്ടിക്ക് നൽകരുത്. ചെറിയ കുഞ്ഞുങ്ങൾക്ക് നൽകാൻ പാടില്ലാത്ത ചില ഭക്ഷണങ്ങൾ എന്തൊക്കെയെന്ന് നോക്കാം.

കിഡ്നിക്ക് നല്ലതല്ലാത്തതിനാൽ കുഞ്ഞുങ്ങൾ ഉപ്പ് അധികം കഴിക്കരുത്

* മധുരമുള്ള ലഘുഭക്ഷണങ്ങളും പാനീയങ്ങളും ഒഴിവാക്കുക

* ബിസ്‌ക്കറ്റ്, കേക്ക് തുടങ്ങിയ പൂരിത കൊഴുപ്പ് കൂടുതലുള്ള ഭക്ഷണങ്ങൾ നൽകരുത്

* കുട്ടിക്ക് 2 വയസ് തികയുന്നത് വരെ തേൻ നൽകരുത്

* പരിപ്പും നിലക്കടലയും പൂർണമായും ഒഴിവാക്കുക

* പാതി വെന്ത മുട്ട കൊടുക്കരുത്