ഫാൻ ഫുൾ സ്പീഡിൽ ഇട്ടിട്ടും ചൂട് മാറുന്നില്ലേ?; അകത്തളം "കൂളാകും" സിമ്പിളായൊരു കാര്യം ചെയ്താൽ മതി
എത്ര സ്പീഡിൽ ഫാൻ കറക്കിയിട്ടും ചൂട് കുറയാത്ത അവസ്ഥയാണ് പല വീടുകളിലും. ഇതുമൂലം സുഖമായി ഉറങ്ങാൻ പോലും സാധിക്കുന്നില്ല. പലരും ഇപ്പോഴേ ഏസി ബുക്ക് ചെയ്‌തുകഴിഞ്ഞു.
എന്നാൽ വൻ വില കൊടുത്ത് ഏസി വാങ്ങുകയെന്നത് എല്ലാവർക്കും സാധിക്കുന്ന കാര്യമല്ല. മാത്രമല്ല ഏസി വച്ചാൽ ഉണ്ടാകുന്ന കറണ്ട് ബില്ല് ഓർത്തും പലർക്കും പേടിയാണ്. അപ്പോൾ പിന്നെ എന്ത് ചെയ്യും? വലിയ ചെലവൊന്നുമില്ലാതെ വീടിനകത്തെ ചൂട് കുറയ്ക്കാൻ എന്താണ് വഴി.
ചില കാര്യങ്ങൾ ചെയ്താൽ വീടിനകത്തെ ചൂട് ഒരു പരിധിവരെ കുറയ്ക്കാൻ സാധിക്കും. വൈക്കോൽ കൊണ്ട് ഒരു സൂത്രമുണ്ട്. വലിയൊരു പ്ലാസ്റ്റ് ഷീറ്റ്‌ ടെറസിൽ ഇടുക. ഇതിനുമുകളിലായി വൈക്കോൽ നിരത്തിവച്ചുകൊടുക്കാം. ഇടയ്ക്കിടെ നനയ്ക്കുകയും വേണം. ഇതുവഴി റൂമിനകത്തെ ചൂട് കുറയ്ക്കാൻ സാധിക്കും.
ടെറസിൽ പച്ചക്കറിയോ മറ്റോ കൃഷി ചെയ്യുന്നതും ചൂട് കുറയ്ക്കാൻ സഹായിക്കും. നല്ല ചൂടുള്ള സമയങ്ങളിൽ വലിയ ഒരു പാത്രത്തിൽ തണുത്ത വെള്ളമെടുത്ത് കറങ്ങിക്കൊണ്ടിരിക്കുന്ന ഫാനിന്റെ താഴെ വയ്ക്കാം. ഇതുവഴിയും അകത്തളങ്ങളിലെ ചൂട് ചെറിയ രീതിയിൽ കുറയ്ക്കാനാകും.