മുളക് ബജി; വളരെ എളുപ്പത്തിൽ തയ്യാറാക്കാം
വൈകുന്നേരങ്ങളിൽ ചായയോടൊപ്പം നല്ല ചൂടുള്ള മുളക് ബജി കൂടിയുണ്ടെങ്കിൽ ആഹാ! എന്തായിരിക്കും നമ്മുടെയൊരു സന്തോഷം. ലോകത്തുടനീളം പ്രശസ്തി നേടിയ ഒരു ദക്ഷിണേന്ത്യൻ വിഭവമാണ് നമ്മുടെയീ മുളക് ബജ്ജി. രാജ്യത്തെ ഏതൊരു സംസ്ഥാനത്തിൻ്റെ തെരുവോരങ്ങളിലും നമുക്കിത് കണ്ടെത്താനാവും.
നമുക്കും നമ്മുടെ പ്രിയപ്പെട്ടവർക്കുമെല്ലാം സായാഹ്ന ലഘുഭക്ഷണത്തിനായുള്ള ഏറ്റവും മികച്ച ഒരു തിരഞ്ഞെടുപ്പാണ് ബജിയും ബോണ്ടകളുമൊക്കെ. ലളിതമായ ചേരുവകൾ ഉപയോഗിച്ചുകൊണ്ട് വീട്ടിൽ തന്നെ കുറഞ്ഞ സമയത്തിനുള്ളിൽ നമുക്കിത് തയ്യാറാക്കാനാവും. ചൂടുള്ള ഒരു കപ്പ് ചായയോ അല്ലെങ്കിൽ കാപ്പിയോ കൂട്ടിയുണ്ടെങ്കിൽ നമ്മുടെ നാവിന് രുചി പകരാൻ ഇതല്ലാതെ വേറൊന്നും വേണ്ട. ഏറ്റവും രുചികരമായ മുളകു ബജ്ജി എങ്ങനെ തയ്യാറാക്കണമെന്ന് ഇന്ന് നമുക്ക് കണ്ടെത്താം.
പ്രധാന ചേരുവ
- ആവശ്യത്തിന് കടലമാവ്
- 1 ഒരു കൈപിടി അരിഞ്ഞ പച്ചമുളക്
- 1 ടേബിൾസ്പൂൺ അരിമാവ്
- ആവശ്യത്തിന് വെള്ളം
- 1 ടീസ്പൂൺ ശീമജീരകം
- 1 ടീസ്പൂൺ മുളകുപൊടി
- ആവശ്യത്തിന് ഉപ്പ്
- ആവശ്യത്തിന് മഞ്ഞൾ
- ആവശ്യത്തിന് പെരുങ്കായം
- ആവശ്യത്തിന് ശുദ്ധീകരിച്ച എണ്ണ
ചേരുവകൾ ഒരു പാത്രത്തിലെടുത്ത് മിക്സ് ചെയ്യാം ഒരു പാത്രത്തിൽ കടലപ്പൊടി, അരി മാവ്, മഞ്ഞൾ, മുളകുപൊടി, ഉപ്പ്, ഒരു നുള്ള് കായം എന്നിവ ചേർത്ത് എല്ലാ ചേരുവകളും നന്നായി ഇളക്കിക്കൊടുക്കുക.
എണ്ണ ചേർത്ത് യോജിപ്പിക്കുക ½ ടീസ്പൂൺ എണ്ണ ചേർത്ത് എല്ലാ ചേരുവകളും നന്നായി മിക്സ് ചെയ്യാം. ആവശ്യമായ വെള്ളം ചേർത്ത് ബജി തയ്യാറാക്കാൻ ആവശ്യമായ കട്ടിയുള്ള മാവ് ഉണ്ടാക്കുക. മുളക് നടുവേ മുറിക്കുക മുളക് രണ്ടായി അരിഞ്ഞെടുത്ത ശേഷം ഇതിനുള്ളിലേക്ക് കുറച്ച് മുളകുപൊടി ചേർത്ത് കൊടുക്കാം. ഇത് ബജിയെ കൂടുതൽ രുചികരമാക്കി മാറ്റുന്നു.മുളക് മാവിൽ മുക്കി വറുത്തെടുക്കുക ഒരു ചട്ടിയിൽ എണ്ണ ഒഴിച്ച് ചൂടാക്കി മുളകുകൾ മാവിൽ മുക്കി തവിട്ട് നിറമാകുന്നതുവരെ എണ്ണയിലിട്ട് വറുത്തെടുക്കുക. മുളക് ബജി റെഡി! ടൊമാറ്റോ സോസിനൊപ്പം ചേർത്ത് ചൂടോടെ തന്നെ വിളമ്പുക. ഒപ്പം ഒരു കപ്പ് ചൂട് ചായയും ആകാം.