അയോധ്യ രാമക്ഷേത്ര ട്രസ്റ്റ്: ചമ്പത് റായുടെയും അനിൽ മിശ്രയുടെയും രാജി അംഗീകരിച്ചു

അയോധ്യയിലെ ശ്രീരാം ജന്മഭൂമി തീർഥ് ക്ഷേത്ര ട്രസ്റ്റ് ജനറൽ സെക്രട്ടറി ചമ്പത് റായുടെയും ട്രസ്റ്റി അനിൽ മിശ്രയുടെയും രാജി ട്രസ്റ്റ് അംഗീകരിച്ചു. ക്ഷേത്രത്തിലെ കാണിക്ക തട്ടിപ്പ് കേസുമായി ബന്ധപ്പെട്ട വിവാദങ്ങളുടെ പശ്ചാത്തലത്തിൽ ചേർന്ന നിർണായക യോഗത്തിലാണ് തീരുമാനം.ട്രസ്റ്റ് ചെയർമാൻ നൃത്യ ഗോപാൽ ദാസിന്റെ അധ്യക്ഷതയിൽ രാം ജന്മഭൂമി കോംപ്ലക്സിൽ ചേർന്ന യോഗത്തിൽ സ്ഥിരാംഗങ്ങൾ പങ്കെടുത്തു. ചമ്പത് റായും അനിൽ മിശ്രയും യോഗത്തിൽ പങ്കെടുത്തിരുന്നില്ല.

കേസിൽ പ്രത്യേക അന്വേഷണ സംഘത്തിന്റെ (എസ്ഐടി) അന്വേഷണ പുരോഗതിയും യോഗം വിലയിരുത്തി. രാജിയിലൂടെ ഒഴിവായ ജനറൽ സെക്രട്ടറി, ട്രസ്റ്റി സ്ഥാനങ്ങളിലേക്ക് പുതിയ നിയമനങ്ങൾ നടത്തുന്നതും ട്രസ്റ്റ് ചർച്ച ചെയ്തു.ക്ഷേത്രത്തിലെ കാണിക്ക ശേഖരണവുമായി ബന്ധപ്പെട്ട തട്ടിപ്പ് സംഭവം ഏറെ വേദനിപ്പിച്ചതായി ട്രസ്റ്റ് ചെയർമാൻ പ്രതികരിച്ചു. ഭാവിയിൽ ഇത്തരം സംഭവങ്ങൾ ആവർത്തിക്കാതിരിക്കാൻ ആവശ്യമായ നടപടികൾ സ്വീകരിക്കുമെന്നും ട്രസ്റ്റ് അറിയിച്ചു.